68MIL PESOS NGA BALOR SANG KAGAMITAN SANG ISABELA SENIOR HIGH SCHOOL, NAGKALADULA

Share on facebook
Share on google
Share on pinterest
Share on twitter
Share on print

Nagkadula ang balor 68,000 pesos nga kagamitan sang Isabela Senior High School sa Barangay Guintubdan, banwa sang Isabela, matapos ginkawatan sadtong sabado sang udto.

Nagpablotter sa Isabela PNP si Ma. Joy Dela Paz, principal II kag residente sang Gomez Street, Barangay 3 nga nagkaladula ang gamit sang amo nga bulotho-an.

Sa panugiron ni Dela Paz sa otoridad, nadiskubrihan nalang sang care taker nga nadula ang napulo ka 4 incher grinder nga nagabalor sang 40,000 pesos, isa pa ka 7 heavy duty grinder nga nagabalor sang 8,000 pesos kag lima ka Hand drill nga nagabalor sang 20,000 pesos.

Suno pa sa principal, pila ka tawo ang nagsulod sa supply room kag nagpinalagyo sa wala mahibaluan nga direksyon.

Padayon pa ang imbestigasyon sang otoridad.

NEGROS OCCIDENTAL MAY 118 ACTIVE COVID-19 CASES

Liwat nga nagsaka ang kaso sang Covid-19 sa Negros Occidental.

Sa datos sang Provincial Incident Management Team (PIMT) tubtub Enero 17, 2021, nagsaka sa 118 ang active cases halin sa 109 nga record sadtong Enero 11, 2021.

Ang syudad sang San Carlos amo ang may pinakadamo nga active cases nga may 23 kag ginasundan sang Silay nga may 13.

May 24 naman ka mga banwa kag syudad ang may single-digit number na lamang nga active cases.

May lima man ka mga banwa nga wala na sang aktibo nga kaso nga ginalakipan sang Don Salvador Benedicto, Cauayan, Pontevedra, San Enrique, kag Valladolid.

Pinakanubo nga active cases ang narekord sang PIMT sadtong Enerto 6 kag 9, 2021, nga may 104.

Basi sa cumulative report sang PIMT halin Marso 27, 2020 tubtub Enero 17, 2021, ang Negros Occidental ang may total Covid-19 cases nga 6,574, recoveries – 6,250, kag 206 nga napatay. | Aksyon Marlon Genovea

170K NGA GINAPATIHAN SHABU, NAREKOBER; SUSPEK, NAKAPALAGYO

Narekober ang 170,000 pesos nga balor sang ginasuspetsuhan shabu sa buy-bust operation sang Regional Drugs Enforcement Unit (RDEU)-6 sa Purok Kagaykay, Brgy. 2 syudad sang Bacolod.

Nakapalagyo ang subject sang operasyon nga si Romulo Hamatoc, 31 anyos samtang nadakpan ang nobya sini nga si Arielle Descutido, 21 anyos.

Si Hamatoc isa ka high-value individual sang probinsya samtang si Descutido naman ginakabig bilang newly identified drug personality.

Narekober sa buy bust operation ang walo ka mga plastic sachet sang ginasuspetsuhan shabu nga nagabug-at sang 25 gramos, kahita kag bag.

Priso karun si Descutido sa custodial facility sang Police Station 2 para sa nagakaigo nga disposisyon. | Aksyon John Diaz

MORE STORIES:

LIKE US ON FB

error: Ooops... You are not authorized to copy this content.