66 ANYOS NGA PDL SA POLICE STATION 2, GIN ISOLATE MATAPOS NAGPOSITIBO SA COVID-19

Share on facebook
Share on google
Share on pinterest
Share on twitter
Share on print

Gin-isolate ang isa ka 66 anyos nga priso sang police station (PS2) , matapos nga nagpositibo ini sa coronavirus disease ukon COVID-19.

Suno sa hepe nga si PCapt. Leo Estopa, una nga ginpacheck-up ang pasyente sang nagreklamo nga malain ang iya pamatyag, apang wala ginbaton sang mga hospital bangud puno na.

Gilayon nga ginpa-idalum sa swab test ang 66 anyos kag naguwa ang resulta nga positibo ini sa amo nga kagaw. Igasaylo ang pasyente sa quarantine facility sa Andres Bonifacio Elementary School (ABES) kahapon nga adlaw, dominggo. 

Gin-swab man ang 18 ka iban pa nga priso kag ginahulat pa ang resulta sini.  Apisar nga may nagpositibo nga priso, ginpahanugotan gihapon ang pagdul-ong sang pagkaon sa mga pamilya sang priso, apang tubtod nagid lamang sila sa guwa sang estasyon. 

Dugang ni Estopa, padayon ang ila serbisyo sa tawo ugaling ginapatuman ang hugot nga health protocol.
Samtang, nakarecover na ang isa sa apat ka pulis sang PS2 nga nagpositibo man sa amo nga kagaw. 

Naga home quarantine man ang walo ka iban pa nga ginpa-idalum sa swab test.

MORE STORIES:

LIKE US ON FB

error: Ooops... You are not authorized to copy this content.