63 GIN PAIDALUM SA SURPRISE DRUG TESTING SA SAN CARLOS CITY

Share on facebook
Share on google
Share on pinterest
Share on twitter
Share on print
(San Carlos PIO FB Photo)

Gin-inspeksyon ni  San Carlos City Mayor Renato Y. Gustilo ang surpresa nga drug testing activity sa ABC Function Hall kaina sang aga, Hwebes. 

58 ka mga personnel sang  San Carlos City Traffic Management Authority kag  5  ka staff sang  San Carlos City Anti-Drug Abuse Council (SCCADAC) ang gin-drug test.

(San Carlos PIO FB Photo)

Suno kay  Legal Assistant II sang  City Legal Office Ana Liza Macaraya nga SCCADAC Secretariat, ginpatigayon ang drug testing agud mapasiguro ang  drug free office sa  local government.

Dugang pa ni Macaraya, ini ang nakamandato man sa idalom sang city’s ordinance, Civil Service Commission kag  R.A. 9165 ukon  Comprehensive Dangerous Drugs Act of 2002. | Aksyon Marlon Genovea

TASK FORCE DISIPLINA MAGAPAHAMTANG MARKINGS KAG MAGA SCAN BAC-TRAC SA NAGAPILA SA COMELEC BACOLOD

Maga pahamtang sang markings para sa social distancing kag scanning sang BacTrac ang Task Force disiplina sa talatapan sang COMELEC umpisa sa Lunes, Mayo 10.

Suno kay Wilfredo Taba Geolingo Action Officer sang Task Force, tuyo sini nga mapunggan ang problema angut sa gina kabalak-an nga pagtaas sang kaso sang COVID 19.

Dugang pa ni Geolingo, mismo ang Malacañang nag mando sa tanan nga mga LGU sa pagpatuman sang hugot nga implementasyon sang amo nga regulasyon.

Gin klaro man sini nga magluwas sa Task Force disiplina, may yara man sang pila ka mga miyembro sang kapulisan nga maga bulig para sa amo nga kampanya. | Aksyon Art Tayhopon

DUHA PILASON SA INSIDENTE SANG PAGPANGLABU SA CALATRAVA

Ginabulong karon sa San Carlos City Hospital ang 56 anyos nga amay matapos ginlabu sang mag-utod las 10:15 kagab-i sa Sitio Atabay, Barangay San Isidro, banwa sang Calatrava.

Ang biktima ginkilala kay Francisco Boliboli samtang ang mga suspek amo sanday Felipe Retable ,60 anyos, kag manghod sini nga si Bobby, 47 anyos, lunsay  residente sang amo nga lugar.

Sa inisyal nga pagpangusisa ni PMaj. Roberto Indiape, bangod gid lamang sa sa personal nga away kag kutsukutso, ginsulong sang mag-utod ang biktima ginbuno  kag ginlabu. 

Si Boliboli ang nakaangkon sang pilas sa likod sang lawas kag butkon.

Sa amo nga insidente, nakita ni Atellano Jorolan (umagad sang biktima) nga ginalabu sang mag utod ang  iya ugangan,  nagkuha man ini sang binangon kag ginlabu si Ratable.

Una nga gindala si Boliboli sa Calatrava District Hospital kag gilayon ginforward sa San Carlos City Hospital samtang si Ratable ang ginabulong sa Corazon Locsin Montelibano Memorial Regional Hospital.

Sa follow-up opreration sang kapulisan, nadakpan si Bobby samtang si Felipe ang buluntaryo nga nagsurender sa mga otoridad. | Aksyon Alvin Grava

MORE STORIES:

LIKE US ON FB

error: Ooops... You are not authorized to copy this content.