Nagnegatibo sa COVID-19 ang tanan nga mga persona nga ginpaidalom sa mass testing kahapon nga adlaw sa syudad sang Dumaguete.
610 ka mga suspected kag probable patients ukon mga close contacts sang mga nagpositibo sa COVID-19 kag frontliners ang ginpaidalom sa free antigen test kag tanan sila ang negatibo sa balatian.
Ang test ang ginproseso sang mga medical technologists kag nurses sang syudad sa idalom sang superbisyon sang LABX AsiaKalakip sa mga ginpaidalom sa antigen test sa Dumaguete ang mga Authorized Persons Outside Residence (APOR), mga priso sa custodial facility sang kapulisan, health workers kag frontliners, contact tracers kag first responders.
Suno kay Mayor Felipe Antonio Remollo, timing ang antigen testing bangud ini ang mas nagpabakod sa contact tracing sang mga otoridad sa tinutuyo nga mapunggan ang paglapta sang COVID-19.
Nagpatigayon man sang mass testing ang syudad sang Bayawan, Zamboanguita kag Valencia. | Aksyon John Diaz