600 KA KARTON SANG MAKAHULUBOG NGA ILIMNON NA KUMPISKAR SA 5 KA PERSONA

Share on facebook
Share on google
Share on pinterest
Share on twitter
Share on print

Dakop ang lima ka persona nga nagabaligya sang makahulubog nga ilimnon sa Roxas Steet, Barangay Robles, banwa sang La Castellan sadtong sabado sang udto.

Ang mga nagkaladakpan ginkilala nga sanday Michael Solitario, 42 anyos (salesman), pumoloyo sang Barangay Pahanocoy, Gilbert Dieta, 32 anyos pumoloyo sang Barangay Mandalagan tanan sa Syudad sang Bacolod, Norberto Dela China, 29 anyos, Ariel Banaglorioso, 37 anyos kag Jennifer Belecina, 39 anyos tanan pumoloyo naman sa Barangay Zone 10, syudad sang Talisay.

Ang mga suspetsado nadakpan sa akto nga nagadeliver sang mga ilimnon, apisar nga ginadumili ini sa idalum sang general community quarantine ukon GCQ, bangud sa coronavirus disease ukon COVID-19.

Nakumpiskar sang La Castellana PNP ang 90 ka karton sang 750 ml ukon longneck kag 510 ka karton sang 375 ml ukon lapad sang amo nga ilimnon.

Ang mga suspetsado priso sa custodial facility sang La Castellana PNP.

TATLO KA MGA OPISYAL NGA NAKATUPAD NI GOV LACSON SA ANTI DRUG SUMMIT, NEGATIBO SA COVID-19

Negatibo sa Covid-19 ang tatlo ka mga opisyal nga nakatupad ni Governor Bong Lacson sa Provincial Anti-Drug Summit syudad sang Bacolod sang Biyernes Enero 22, 2021.

Ini ang gin anunsiyo sang gobernador subong nga adlaw, kasunod sang iya pagpa swab test sa Teresita L. Jalandoni Provincial Hospital sa syudad sang Silay.

Ang tatlo amo sanday DILG Negros Occidental OIC Provincial Dir. Roselyn Quintana, Asst. Reg’l. Dir. Maria Calpiza Sardua, kag Liga ng mga Barangay Pres. kag Neg. Occ. Board Member Juvy Pepello. 

Sila kag si Lacson ang kalakip sa mga opisyal nga close contacts sang DILG Iloilo official nga nagpositibo sa Covid-19 kag nagtambong man sa summit.

Suno sa gobernador, mahibaluan ang resulta sang iya swab test karon sa gab-i kag nagalaom nga magnegatibo agud makabalik sa gilayon sa pagreport sa kapitolyo probinsiyal.

Dako ang pagsalig ni Lacson nga siya ang mag negatibo, bangud wala man sang sintomas nga ginabatyag.

Si Lacson ang nagpaidalom sa self-isolation umpisa kahapon Enero 26.

BACOLOD DILG CHIEF MADAYAG, NEGATIBO ANG RESULTA SA COVID19 TEST

Nabaton na ni Bacolod City DILG chief Ma. Joy Marideth Madayag ang resulta sang iya swab test nga gin patigayon tinalikdan nga Lunes.

Suno kay Madayag, nangin negatibo ang resulta sang iya RT-PCR test nga nangin kabahin sang precautionary measure nga ginhimo sang ila talatapan bangud sa pag positibo sang isa nila ka empleyado sa Region 6.

Dugang pa ni Madayag, nagpatigayon sang Regional Conference ang ila talatapan tinalikdan nga semana gani ang amo nga RT-PCR test ang isa sang mga requirement agud ipasiguro nga ini ang hilway sa COVID 19.

Liwat naman nga nagpatigayon sang disinfection ang iya talatapan karon nga adlaw, samtang natalana naman nga maga balik ang ila operasyon sa DILG Bacolod sa bwas nga adlaw Enero 28.

MORE STORIES:

LIKE US ON FB

error: Ooops... You are not authorized to copy this content.