55 ANYOS NGA ILOY, PATAY MATAPOS GINTIRO SA SIPALAY

Share on facebook
Share on google
Share on pinterest
Share on twitter
Share on print

Patay ang isa ka iloy matapos ginluthang sang wala pa makilal-an nga persona sa Sitio Tuburan, Brgy. Camindangan, syudad sang Sipalay las 8:45 ang gab-i Enero 12.

Ginkilala ang biktima kay Jovelina Calafardo, 55 anyos kag residente sang amu ng lugar.

Suno kay Chief Inspector Anthony Grande, hepe sang Sipalay City PNP, nagapreparar sang panyapon si Calafardo kag duha sini ka bata sang hinali nalang nga may naglupok kag naigo sa nawala nga bahin sang dughan ang biktima nga gintunaan sang iya kamatayon.

Dugang pa ni Grande, posible nga nagpalapit pa sa puluy-an sang biktima ang suspetsado apang wala ini makita sang isa sa bata ang hitsura bangud madulom ang lugar.

Palayag ni Grande posible isa ka improvised 12 gauge shotgun ukon pugakhang ang gingamit sang suspetsado.

Suno kay Grande, may person of interest na sila kag ginatan-aw nga motibo apang indi pa sa karon mapalayag agud indi maguba ang ila nga imbestigasyon. | Aksyon Eden Aboso

MORE STORIES:

LIKE US ON FB

error: Ooops... You are not authorized to copy this content.