51 ANYOS NGA LALAKI, NADAKPAN SA BUY-BUST OPERATION SANG POLICE STATION 2

Share on facebook
Share on google
Share on pinterest
Share on twitter
Share on print
(Police Station 2 Photo)

Nadakpan ang isa 51 anyos nga lalaki sa drug buy-bust operation sang Police Station 2 sa Purok Bolinao, Barangay 1, takna las 8:45 subong nga gab-i, Sabado.

Gin kilala ang suspect nga si Benjamin Agravante, residente sang Purok Ylac, Barangay 1, Bacolod.

Nakuha sa suspek ang anu ka heat-sealed transparent plastic sachet sang suspected shabu, 500 pesos nga marked money, kag drug paraphernalia.

Ang nakumpiskar nga gina patihan shabu ang may market value nga 13, 600 pesos.

Sa record sang kapulisan, ang suspek ang nadakpan na sadto bangud ma sa droga pero nakagwa matapos naka avail sang plea bargaining agreement.

Preso ang suspek sa custodial facility sang Police Station 2.

‘PILIPINAS KONTRA GUTOM’ NAGHATAG 2,000 MEALS SA BACOLOD

(Bacolod PIO Photo, January 25, 2021)

Nakabaton sang 2,000 meals ang 18 ka Barangay kag foundation sa syudad sang Bacolod para sa programa nga Pilipinas Kontra Gutom sang gobyerno nasyunal.

Ginturn-over ni Cabinet Secretary Karlo Nograles, pamuno sang programa, ang pagkaon gikan sa isa ka kilala nga fast food chain sa mga benepisyaryo sa lobby sang Bacolod Government Center kaina sang aga, Lunes.

Lakip sa mga benepisyaryo amo ang Barangays 1, 2, 3, 4, 6, 8, 10, 12, 13, 14, 16 kag 35 nga may tig isa ka gatos ka pack sang pagkaon; Barangays Banago, Singcang-Airport kag Pahanocoy nga may tig 200 ka pack sang pagkaon.

Nakabaton ang St. Mary’s Home for the Aged sang 66, Holy Infant Nursery Foundation Inc nga may 23, kag Quarantine Center nga may 111.

Suno kay Nograles, ang Bacolod amo ang pinakauna nga lugar sa sagwa sang National Capital Region nga nangin benepisyaryo sang sini nga programa.

Tuyo sang programa nga makahatag sang 100,000 ka pack sang pagkaon sa bilog nga pungsod. | Aksyon Dale Salazar

LALAKI NGA NAGADALA ARMAS LUTHANG, GINDAKOP

Gindakop sang otoridad ang isa ka lalaki nga naaktohan nagabitbit sang armas luthang sa Hacienda Camil, Barangay E. Lopez, Syudad sang Silay.

Ginkilala ang nadakpan sa kay Raffy Belarmino, 43 anyos kag nagapuyo sa Hacienda Salpakan, Barangay Guimbalaon, sa amo man nga syudad.

Base sa imbestigasyon sang Silay PNP, nakabaton sila sang tawag gikan sa isa ka residente angut sa nagaluntad nga komusyon.

Naabtan sang kapulisan nga bitbit ni Belarmino ang homemade shotgun ukon sulpak nga may apat ka bala nga wala pa nga lupok.

Yara na sa kustodiya sang otoridad ang suspetsado kag armas para sa proper disposition. | Aksyon Bryan Morden

MORE STORIES:

LIKE US ON FB

error: Ooops... You are not authorized to copy this content.