48 ANYOS NGA LALAKI PATAY MATAPOS GINLUTHANG SANG WALA PA MAKILALA NGA PERSONA

Share on facebook
Share on google
Share on pinterest
Share on twitter
Share on print

Patay ang isa ka lalaki matapos ginluthang sini nga gab-e sa Purok Sigay, Brgy. 2 syudad sang Bacolod.

Ang biktima ginkilala kay Norman Sola, 48 anyos kag residente sang amo man nga lugar.

Sa imbestigasyon sang mga kapulisan nahibaloan nga antis magpauli si Sola sa ila balay naghapit siya sa tiangge upod ang tatlo ka iban pa nga lalaki sang hinali nalang nga ginapalapitan sang isa ka lalaki kag ginluthang.

Suno kay Police Station 2 Commander Police Captain Leo Estopa, mahimo nga si Sola gid lamang ang tuyo nga patyon sang suspetsado matapos nga wala man naulamid ang iban pa nga kaupdanan sini.

Lima ka asud-asud nga lupok ang nabatian sang mga saksi sa krimen.

Wala pa mahibaloan ang kalibre sang armas-luthang nga gingamit sang suspetsado.

Gilayon naman nga nagpalagyo ang suspetsado matapos makomiter ang krimen.

Ginhingagaw pa dala sa Corazon Locsin Montelibano Memorial Regional Hospital (CLMMRH) si Sola apang gindeklarar nga dead on arrival sang doktor.

Wala pa makilal-an sang mga kapulisan ang suspetsado kag ang tatlo ka mga lalaki nga upod ni Sola sang nagluntad ang pagpangluthang.

Ginkumpirmar ni Estopa nga basi sa rekord sang kapulisan si Sola ang nagsungka sa Oplan Tokhang nga programa sang Philippine National Police (PNP).

Personal nga dumot kag may kaangtanan sa ilegal nga droga ang pila ka mga motibo nga ginatutukan sa karun sang mga kapulisan.

MORE STORIES:

LIKE US ON FB

error: Ooops... You are not authorized to copy this content.