Masobra 400 ka mga negosyo sa probinsya sang Negros Occidental ang nagsira bangod sa Covid-19 pandemic.
Suno kay Engiemar Tupas, OIC head sang Industry Division Chief sang Department of Trade and Industry Negros Occidental, base sa monitoring sang ila talatapan, nagdangat na sa 471 tanan ka mga nagosyante ukon 1.6% sa masobra 24 mil ka mga negosyante sa bug-os nga probinsya ang personal nga nagpalapit sa Business Permit and Licensing Division sa tagsa ka mga LGUs kag nagpabalo nga masarado ang ila negosyo bangod sa kapierdehan tuga sang Covid-19 pandemic.
Ginpahayag ni Tupaz nga sa karon wala pa sang ideya ang ila ahensya kung pila man ka mga negosyante sa syudad sang Bacolod ang nagsarado na bangod wala pa nakasumitir sang record ang Business Permit and Licencing Division sa syudad. |
