46 KA EMPLEYADO SANG LTO-BACOLOD, GWARDYA KAG DUHA KA PULIS NAG HOME QUARANTINE BANGUD SA POSIBLE EXPOSURE SA COVID-19 PATIENT; TALATAPAN MAGA SIRA SANG DUHA KA ADLAW

Share on facebook
Share on google
Share on pinterest
Share on twitter
Share on print
LTO
(Aksyon Radyo Bacolod File Photo)

Temporaryo nga maga sira sang duha ka adlaw nga wala sang opisina ang Land Transportation Office ukon LTO-Bacolod bangod sa patigayunon nga disinfection sa bilog nga compound matapos nga isa ka nagpositibo nga taga-syudad sang Victorias ang nakakadtu sa pasilidad agod mag proseso halin Hulyo 16 tubtub 17.

Ang talatapan ang maga sira umpisa bwas nga adlaw, Myerkules tubtob Hwebes.

Sa interview sa Aksyon Firing Line, ginpahayag ni LTO-Bacolod head Reuben Tampus nga sa karon ginmando sang LTO 6 nga maga-home quarantine ang 46 ka empleyado lakip na ang gwardiya kag duha ka gin-deploy nga pulis sa lugar.

Dugang pa ni Tampos, may special communication na ang LTO 6 kay Bacolod City Vice Mayor El Cid Familiaran agod ipangabay nga ipaidalom ang tanan nga empleyado sang LTO -Bacolod sa swab test.

Samtang, nag apelar si Tampus sa tanan nga nakakadtu sa opisina sang LTO -Bacolod sang Hulyo 16 kag 17 nga magdangop sa lokal nila panguluhan agod makapaidalom sa COVID-19 test agod masiguro nga hilway sa virus. | Aksyon Ann Defensor

MORE STORIES:

LIKE US ON FB

error: Ooops... You are not authorized to copy this content.