46 COVID-19 VACCINATORS IPAIDALUM SA TRAINING BWAS

Share on facebook
Share on google
Share on pinterest
Share on twitter
Share on print

Natalana nga maga paidalum sa training ang 46 tanan ka mga COVID 19 vaccinators sa syudad sang Bacolod bwas nga adlaw, Biyernes Pebrero 19.

Suno kay City Administrator Em Ang nga amo man ang Executive Director sang Emergency Operation Center ukon EOC, ini nga mga vaccinators ang una nga ipaidalum sa training agud sa ulihi ini sila ang magamit man sang syudad para sa pag tudlo sang iban pa nila nga mga kaupdanan nga natalana iga hire sang syudad.

Dugang pa ni Ang, ang tagsa ka  Vaccination Center ang natalana nga pahamtangan sang taglima ka mga vaccinators sa adlaw sang pag pang bakuna.

Base sa plano sang EOC, ang Bacolod ang may yara sang 26 tanan ka mga gin preparar nga mga vaccination centers gani kinahanglanon sang syudad nga mag hire sang 130 tanan ka mga vaccinators. | Aksyon Art Tayhopon

HANAY SANG NEGOSYANTE PABOR NGA IPAIDALUM SA GCQ ANG PROBINSYA

Kumporme ang mga negosyante nga ipaidalom sa General Community Quarantine kag pagligwat sang gurfew hours nga ipatuman sa probinsiya sg Negros Occidental. 

Sa interview sg Aksyon Hotline kay Metro Bacolod Chamber of Commerce and Industry chief executive Frank Carbon, nalipay sila kag ila gina abi-abi ang ginpatuman nga solusyon ni Governor Eugenio Jose Lacson kag sang mga alkalde sang kada banwa kag syudad.

Dugang pa ni Carbon, gamay lang ang epekto kon temprano pa magasira ang mga negosyo bangud  makabawi man kon aga.  Palayag ni Carbon, dyutay gid lamang ang adjustment kag kinalain sang mga pagsulundan kon napaidalom ang lugar sa MGCQ ukon GCQ. 

Suno kay Carbon, panahon na nga pahanugutan ang local IATF nga magdesisyon sang para sa ila mga nasakupan bangud sila ang mas nakahibalo sg dapat kag mga kinahanglanon sang mga pumuluyo. | Aksyon Eden Aboso

17K NGA BALOR SANG SUSPECTED SHABU NAKUMPISKAR; SUBJECT SA BUY-BUST OPERATION, NAKAPALAGYO

Nakapalagyo ang subject sa buy-bust operation nga si Ronel Balaquet sa 1st Road Puentebella, Barangay Taculing syudad sang Bacolod, kaina sang hapon, Sabado.

Ang nakapalagyo ang nalakip sa drug watchlist sang Police Station 6 kag ginakabig street level individual.

Suno kay Police Major Leo Estopa, hepe sang Police Station 6, pila na ka reklamo ang ginpadangat batuk sa iligal nga aktibidad ni Balaquet.

Dugang pa ni Estopa, namutikan ni Balaquet nga pulis ang iya ka transaksyon kag nakapalagyo kasunod nga madamo sang exit ang ila compound.

Nabilin ni Balaquet ang isa ka pouch nga naga unod sang 10 ka sachet sang suspected shabu.

Kapin 17 mil ang balor sang ginapatihan shabu ang narekober sang Police Station 6.

MORE STORIES:

LIKE US ON FB

error: Ooops... You are not authorized to copy this content.