Nakaluwas ang 43 anyos nga lalaki matapos nga gin tiro sang apat ka beses sa iya gina baligyaan nga meat shop takna las 7:30 subong nga gab-i sa Repollo Street, Barangay 2, syudad sang Kabankalan, Enero 7.
Suno kay Lt. Col. Mary Rose Pico, hepe sang Kabankalan PNP, naga panyapon sila sa Police Station sang nakabati sang lupok sang armas lutahang.
Natabo ang insidente kapin 40 metros ang kalayuon gikan sa Police Station.
Gin kilala ang target sang pag pangluthang nga si Carl Michael Bahilidad, residente sang Barangay 5, Kabankalan.
Suno kay Pico, ang suspek ang nag palapit sa biktima kag ‘close-range’ nga nag paniro ukon duha ka dupa ang kalayuon sa iya nga target.
Nag palagyo ang gunman sakay sa motorsiklo nga naga hulat sa iya.
Sa pagpangusisa sang kapulisan, wala man sang kontra ang biktima.
Na rekober sang Kabankalan PNP ang apat basiyo sang calibre 45 kag tatlo ka slug. Nakuha sa CCTV ang porsyon sang insidente pero indi makita ang itsura sang suspek.
Ang suspek nga lalaki ang naka face mask, naka kalo, kag naga suksok sang itom nga bayo.
Padayon pa sa karon nga gina padalman sang kapulisan ang insidente kag CCTV sa katupad nga mga establisamento.
