400K NGA SHABU NAREKOBER SA DUHA KA MGA BUY BUST OPERATIONS SA BARANGAY BANAGO

Share on facebook
Share on google
Share on pinterest
Share on twitter
Share on print

Narekober ang kapin 400,000 pesos nga balor sang ginasuspetsuhan shabu sa duha ka separado nga buy bust operations sa Barangay Banago syudad sang Bacolod subong nga gab-i, Sabado.

Sa buy bust operation sang Bacolod City Police Office-City Drugs Enforcement Unit (BCPO-CDEU) nga ginpatigayon sa Purok Paraiso, Barangay Banago syudad sang Bacolod nadakpan ang tatlo ka mga persona kalakip na ang subject sang buy bust operation nga si Mark Maat, 40 anyos kag residente sang amo man nga lugar.

Ang duha ka iban pa nga gindakop amo nanday Monalisa Lim, 29 anyos kag Leah Ma-at,39 ang edad kag lunsay residente man sang amo nga lugar.

Suno sa Team Leader sang BCPO-CDEU, naglawig sang isa ka semana nga ginamonitor sang mga kapulisan si Maat.

Si Maat ang isa ka street level individual.

Narekober sang BCPO-CDEU ang napulo ka bulto kag lima ka palaba nga plastic sachet sang ginasuspetsuhan shabu nga may kabug-aton nga 50 gramos kag may estimated market value nga nagadangat 340 mil pesos, kilohan, empty plastic sachet, kahita kag kwarta.

Arestado naman ang 67 anyos nga lalaki sa buy bust operation sang Police Station 3 sa Purok Rosas Pandan, Barangay Banago syudad sang Bacolod.

Ang nadakpan ginkilala sang mga kapulisan nga si Antonio Mariño, residente sang amo nga lugar.

Suno kay Police Station 3 Commander Police Captain Richard Pajarito, nakabaton sang report ang nga operatiba nga madamo sang mga pangayaw nga nagapadulong sa lugar kag nagabakal sang ilegal nga droga kay Mariño.

Si Mariño isa ka street level individual-newly identified drug personality.

Narekober kay Mariño ang duha ka dalagko kag duha ka palaba nga plastic sachet sang ginasuspetsuhan shabu tanan ginabulubanta nagabalor 60 mil pesos, kahita kag 300 pesos nga kwarta.

Priso karun ang apat ka mga persona sa custodial facility sang Police Station 3 para sa nagakaigo nga disposisyon. | Aksyon John Diaz

MORE STORIES:

LIKE US ON FB

error: Ooops... You are not authorized to copy this content.