40 KA MGA BALAY GIN LOCKDOWN SA PUROK WATER LILY, BRGY ZONE 10, TALISAY CITY

Share on facebook
Share on google
Share on pinterest
Share on twitter
Share on print

Ginlockdown ang 40 ka mga balay sa Purok Water Lily, Barangay Zone 10, syudad sang Talisay matapos nagpositibo sa COVID-19 ang isa ka medical health worker nga residente sa amo nga lugar.

Suno kay City Administrator Atty. Jonathan Eadalma, ang nagpositibo isa ka lalaki nga nurse kag nagatrabaho sa isa ka pribado nga hospital sa Bacolod.

Ginkumpirmar ni Eadalma nga ang nagpositibo ang nakapauli sa ila balay kag nagpaidalom sa home quarantine antis pa naggwa ang resulta sang swab test.

Nagdesisyun ang syudad nga i-lockdown ang mga puluy-an sa palibot sang balay sang nagpositibo samtang ginahulat ang swab test results sang mga himata sang medical health worker.

Ginklaro ni Eadalma nga wala nakahibalo ang lokal nga panguluhan sang Talisay nga nagpauli ang medical health worker bangud nga wala sang nagakaigo nga koordinasyon.

May angut sini, magapadala sang sulat ang Talisay LGU sa mga ospital kag ahensiya nga nabase sa Bacolod nga nagahingyo nga maghatag sang listahan sang mga frontliners nga nagatrabaho sa Bacolod nga nagapauli ukon residente sang Talisay.

Nagpanugyan naman si Eadalma sa publiko sang kooperasyon agud mapunggan ang paglapta sang virus. | Aksyon John Diaz

MORE STORIES:

LIKE US ON FB

error: Ooops... You are not authorized to copy this content.