4 KA SAP BENEFICIARY SA TALISAY, ARESTADO BANGUS NAGAPANAHOR

Share on facebook
Share on google
Share on pinterest
Share on twitter
Share on print

Wala makapalagyo sa otoridad ang apat ka benepisyaryo sang Social Amelioration Program ukon SAP sang madakpan nga nagasugal sa Nacab Village, Barangay Bubog, syudad sang Talisay sadtong sabado sang hapon.

Ang mga nadakpan amo sanday Janalyn Dayon, 36 anyos, Mary grace Roldan, 37 anyos, Nika Maravilla, 22 anyos kag Lorena Nolido, 54 anyos tanan nagapuyo sa amo man nga lugar.

Suno sa Talisay PNP, nagahampang sang pusoy ang mga suspetsado sang maabtan sang otoridad.

Nakuha sa ila ang baraha kag 794 pesos nga pusta.

PFIZER NGA BAKUNA SANG NEGROS OCCIDENTAL PAGAUSARON UMPISA HUNYO 28

1,000 ka mga persona kada adlaw ang target nga mabakunahan sang Pfizer-BioNTech COVID-19 Vaccine sa Negros Occidental.

Suno kay Provincial Administrator Atty. Rayfrando Diaz II, maga umpisa  ang pagbakuna   sa Hunyo 28  tubtub Hulyo 2, 2021  sa duha ka mga gindesignar  nga vaccination sites.

Ini amo ang Teresita L. Jalandoni Provincial Hospital sa syudad sang Silay    kag Negros Residences sa syudad sang Bacolod.

May 300 ka mga tawo ang target nga mabakunahan sa Silay kada adlaw, samtang 700 naman sa Bacolod.

Gin-athag ni Diaz nga may 2 lamang ka vaccination areas nga gintalana ang probinsiya, bangud diri nahamtang ang Ultra Low Freezer  para sa Pfizer vaccines.  | Aksyon Marlon Genovea

MORE STORIES:

LIKE US ON FB

error: Ooops... You are not authorized to copy this content.