4-DAY WORK WEEK SCHEDULE SA COMELEC BACOLOD, GIN PATUMAN

Share on facebook
Share on google
Share on pinterest
Share on twitter
Share on print

Nagpatuman na sang panibag-o nga work week schedule ang talatapan sang Commission on Elections ukon COMELEC sa syudad sang Bacolod umpisa tinalikdan nga semana.

Suno kay Atty. Kathrina Trinio Caña, bukas sa pagbaton sang mga kliyente ang ila talatapan nga naga plano magpa rehistro humalin sa adlaw nga Lunes tubtob Huwebes alas otso sang aga tubtob alas tres sang hapon.

Dugang pa ni Caña, nadugangan na gid man ang kadamuon sang mga Bacolodnon nga naga kadto sa ila opisina ilabi na sini nga semana sa diin naglab-ot sa masobra 90 ka mga indibidwal ang ila tigayon nga na akomodar kada adlaw.

Liwat man sini nga gin panugyan sa publiko nga dapat mag obserbar sa gina patuman nga minimum health protocol kag kon mahimo magdala sang kaugalingon nga ballpen.

Dapat man nga siguraduhon sang tagsa ka mga aplikante ang pagdala sang kinahanglanon nga mga ID kag dokumento para sa mas madasig nga pag proseso. | Aksyon Art Tayhopon

TASK FORCE DISIPLINA MAGAPAHAMTANG MARKINGS KAG MAGA SCAN BAC-TRAC SA NAGAPILA SA COMELEC BACOLOD

Maga pahamtang sang markings para sa social distancing kag scanning sang BacTrac ang Task Force disiplina sa talatapan sang COMELEC umpisa sa Lunes, Mayo 10.

Suno kay Wilfredo Taba Geolingo Action Officer sang Task Force, tuyo sini nga mapunggan ang problema angut sa gina kabalak-an nga pagtaas sang kaso sang COVID 19.

Dugang pa ni Geolingo, mismo ang Malacañang nag mando sa tanan nga mga LGU sa pagpatuman sang hugot nga implementasyon sang amo nga regulasyon.

Gin klaro man sini nga magluwas sa Task Force disiplina, may yara man sang pila ka mga miyembro sang kapulisan nga maga bulig para sa amo nga kampanya. | Aksyon Art Tayhopon

23 KA MGA BALAY GINPAIDALUM SA GRANULAR LOCKDOWN SA MURCIA

Ginpaidalom sa granular lockdown ang 23 ka mga balay sa banwa sang Murcia matapos magpositibo ang pila ka mga residente sa lugar.

Nagpapanaug sang executive order si Murcia Mayor Gerry Rojas nga nagamando sa pagpaidalom sa critical zone sa 13 ka mga balay sa Purok Piña, Brgy. Zone 1 kag 10 ka mga balay sa Purok Golden Kamote, Brgy. Zone 2, epektibo Mayo 7 tubtob Mayo 17.

Bangud sini, ginmanduan ang barangay council, tanod kag mga kapulisan nga istrikto nga ipatuman ang mga health protocols.

Sa pinakahulihi nga datus sang Murcia Rural Health Unit, 410 na ang kumpirmado nga kaso sang COVID-19, kun sa diin 60 diri ang aktibo nga kaso. | Aksyon John Diaz

MORE STORIES:

LIKE US ON FB

error: Ooops... You are not authorized to copy this content.