3RD ID GIN KUMPIRMAR NGA KATAPO SANG ARMY KAG SCAA ANG DUHA SA APAT KA MGA SUSPEK NGA NAG PATAY SANG KAGAWAD SA SAGAY CITY

Share on facebook
Share on google
Share on pinterest
Share on twitter
Share on print

Ginkumpirmar ni 3rd Infantry Division Spokesperson Army Major Cenon Pancito nga miyembro sang Philippine Army assign sa 62nd Infantry Battalion sa Quintin Remo, Banwa sang Moises Padilla ang army kag Special Cafgu Active Auxiliary ukon SCAA ang duha sa apat nga suspetsado sa pagpatay sa Barangay Kagawad sa Barangay Lopez Jaena, syudad sang Sagay.

Suno kay Pancito, naka-leave ukon emergency passes si Crpl Rico Fuertes sadtong Noviembre 10 tubtob 13, nagpauli sa Lambunao, Ilo-ilo bangud nagabusong ang asawa.

Si Fuertes, Assistant Patrol Base Commander sang 62nd IB.

Dugang sang Spokesperson, wala ginatolerar sang Philippine Army ang kaangay nga sini nga hilumoon kag indi ini trabaho sang ila hanay.

Palayag pa sini, dapat lang nga atubangon ni Fuertes ang iya ginhimo kag mahatagan sang patas nga imbestigasyon kag maguwa ang hustisya.

Gilayon nagpanugyan si Pancito sa mga miyembro sang Philippine Army nga likawan ang pag-imbolbar sa krimen kag magtutok sa trabaho.

Nahibal-an, una nga gintuad ni Rex Muchuela nga may kahilabtanan sila ni Marcial Manquimot sa pagpatay kay kagawad Mario “Negro” Agabon number 1, Barangay Kagawad sang Lopez Jaena, Syudad sang Sagay.

Ginbulgar ni Muchuela nga nagsugo sa ila amo si Elenel Marquez nga may kaakig kay Agabon.

Upod nila nga nagplanu sa pagpatay sa biktima amo si Fuertes nga amo naman ang ginatudlo nga tagluthang.

Gin-akosahan sang mga suspetsado si Abagon nga druglord kag rapist, rasun nga ginpatay nila ini.

Kaso nga pagpatay ang atubangon sang mga suspetsado. | Aksyon Bryan Morden

MORE STORIES:

LIKE US ON FB

error: Ooops... You are not authorized to copy this content.