Pormal nga ginhingyo ni Negros Occidental Third District Board Member David Albert Lacson ang Commission on Election ukon (COMELEC), nga ipaidalom sa comelec control ang bug-os nga banwa sang EB Magalona.
Sa sulat nga ginpadala ni Lacson kay Provincial Election Supervisor Atty. Salud Milagros Villanueva, ginsiling ni Lacson nga ang natabo nga mga insidente sa Brgy. Pasil sadtong Abril 15 kag Brgy. Tuburan sang Abril 25 , ang isa lamang sa mga basihan agud ipaidalum sa control sang comelec ang banwa.
Basi sa reklamu nga ginpa blotter ni anay Board Member Patrick Lacson sa EB Magalona PNP las 9 sang gab-i sadtong Abril 15, wala makilal-an nga mga persona ang naghaboy sang bato sa covered court samtang nagapamulong pulong si Vice Mayor Robert Acaling sa political caucus.
Nagpablotter man sa police ang kandidato sa pagka bise alkalde ni Lacson nga si Honey Marey Depasucat nga sang Abril 25 sang gab-i, naigo siya sa tiyan sang ginhaboy nga ice samtang nagapamulong pulong man si Acaling sa ila campaign rally sa Brgy. Tuburan.
Ini nga request ang pirmado ni Board Member Lacson nga nagakandidato bilang alkalde batuk sa incumbent Mayor nga si Marvin Malacon. | Aksyon Marlon Genovea