39 KA MGA OPISYAL SG GOBYERNO SA REGION6 NAGAPANGATUBANG SANG KASO MAY KAANGTANAN SA ANOMALIYA SA SAP

Share on facebook
Share on google
Share on pinterest
Share on twitter
Share on print

39 ka mga lokal nga opisyal sang gobyerno sa Western Visayas ang nagapangatubang sang kaso may kaangtanan sa alegasyon nga imbolbado sa anomaliya sa pagpanagtag sang social amelioration program (SAP).

Onse ka mga Barangay Kapitan, walo ka barangay kagawad, walo ka barangay secretaries, lima ka barangay health workers, tatlo ka civilian, duha ka liason officers, isa ka social welfare officer kag isa ka purok leader ang naaresto sang mga otoridad.

Pila sa mga kaso ila ginapangatubang amu ang may kaangtanan sa Republic Act 3019 ukon ang Anti-Graft and Corrupt Practices Act; RA 11469 ukon the Bayanihan to Heal as One Act; kag RA 6713, ukon paglapas sa code of conduct and ethical standards.

Samtang, ginpahayag ni Police Regional Office 6 (PRO6) acting spokesperson Lt. Col. Gilbert Gorero matapos ang launching sang SAP hotline number, na notaran sang mga opisyal ang pagsaka sang kadamuon sang reklamo may kaangtanan sa COVID-19 cash aid.

LALAKI GINBUNO SANG BABAYI SA MOISES PADILLA, PATAY!

Patay ang 48 anyos nga lalaki matapos ginbuno sang isa ka babayi las 8:30 sang gab I, martes sa Sitio Loblob, Barangay Magallon Cadre, banwa sang Moises Padilla.

Ginkilala ang napatay sa kay Rene Lusaran kag ginkilala naman ang suspetsado sa kay Marlyn Bargayo, 49 anyos.

Sa pagpangusisa ni Moises Padilla PNP Commander Police Captain Randy Babor, gin alegar nga nakaino ang biktima kag ginhaboy sang bato ang balay sang suspetsado.

Tungod sini, naggwa si Bargayo nga may dala sang kutsilyo apang hinali na lamang siya ginhakos ni Lusaran rason nagpanginpadlos kag nabuno ang biktima.

Boluntaryo naman nga nagsungka sa kapulisan si Bargayo matapos mahimo ang krimen kag sa karon priso sa Custodial facility sang Moises Padila PNP.

TATLO KA MGA OPISYAL NGA NAKATUPAD NI GOV LACSON SA ANTI DRUG SUMMIT, NEGATIBO SA COVID-19

Negatibo sa Covid-19 ang tatlo ka mga opisyal nga nakatupad ni Governor Bong Lacson sa Provincial Anti-Drug Summit syudad sang Bacolod sang Biyernes Enero 22, 2021.

Ini ang gin anunsiyo sang gobernador subong nga adlaw, kasunod sang iya pagpa swab test sa Teresita L. Jalandoni Provincial Hospital sa syudad sang Silay.

Ang tatlo amo sanday DILG Negros Occidental OIC Provincial Dir. Roselyn Quintana, Asst. Reg’l. Dir. Maria Calpiza Sardua, kag Liga ng mga Barangay Pres. kag Neg. Occ. Board Member Juvy Pepello. 

Sila kag si Lacson ang kalakip sa mga opisyal nga close contacts sang DILG Iloilo official nga nagpositibo sa Covid-19 kag nagtambong man sa summit.

Suno sa gobernador, mahibaluan ang resulta sang iya swab test karon sa gab-i kag nagalaom nga magnegatibo agud makabalik sa gilayon sa pagreport sa kapitolyo probinsiyal.

Dako ang pagsalig ni Lacson nga siya ang mag negatibo, bangud wala man sang sintomas nga ginabatyag.

Si Lacson ang nagpaidalom sa self-isolation umpisa kahapon Enero 26.

MORE STORIES:

LIKE US ON FB

error: Ooops... You are not authorized to copy this content.