Temporaryo nga gin pasira ni BCPO Director Col. Henry Biñas ang duha ka departmento sa BCPO.
Suno kay Lt. Col Ariel Pico, spokesperson sang BCPO, ang ginpasira amo ang Old BCPO administration building kag Mobile Patrol Unit Department.
Dugang pa ni Pico, tuyo sini nga ma-disinfect ang duha ka departmento kag magapabilin sarado samtang ginahulat ang resulta sang SWAB test sang 37 ka mga non Commissioned officer nga posible may direkta nga kontak sa isa ka police officer nga nag positibo pero asymptomatic ukon wala sang sintomas nga gina batyag.
Sadtong Agusto 3 sang nag gwa ang resulta sang swabt test sang pulis nga positibo ini sa virus.
Ang pulis gikan sa Police Regional Office 6 nga nag augment sa BCPO.
Ang nag positibo nga pulis ang gin assign sa Purok Mahimulaton, Brgy. Banago ukon ang lugar nga sadto gin paidalum sa lockdown.
Ang pasyente ang wala na sa Bacolod matapos nga nag lisensya ini kay Biñas duha ka semana ang nakaligad nga mag pauli sa Anilao, Iloilo. | Aksyon Alvin Grava
