37 ANYOS NGA BACOLODNON OFW NAG POSITIBO SA COVID-19

Share on facebook
Share on google
Share on pinterest
Share on twitter
Share on print

Nag saka na sa 17 ang Covid-19 cases sa syudad sang Bacolod, matapos na dugangan sang isa.

Base sa DOH Western Visayas Center For Health and Development Bulletin No. 72 nga gin pagwa kahapon nga adlaw, positibo sa virus ang isa ka 37 anyos nga lalaki nga OFW kag karon naka facility quarantined.

Si Patient 17 sang Bacolod ang may travel history sa Miami kag Manila.

Mayo 20 sang nag abot ini sa Bacolod, Mayo 26 sang gin paidalum sa swab test kag Hunyo 6 sang nag positibo sa virus.

Si Patient 17 ang asymptomatic kag wala sang pre-existing health condition.

Positibo man sa virus ang 35 anyos nga lalaki nga OFW nga residente sang Balasan, IloiloGin report man sang DOH 6 ang pag taliwan ni Western Visayas Patient 115 nga isa ka 39 anyos nga lalaki nga residente sang Anilao, Iloilo.

Suno sa DOH 6, 553 ka lab results ang nag gwa, duha ang positibo, 550 ang negatibo kag 1 ang negatibo sa repeat test. Ang Bacolod City ang may 17 ka mga Covid-19 cases, pito ang naka recover, tatlo ang napatay kag pito ang aktibo nga kaso.

Sa kabug-usan ang Region 6, ang may 123 ka Covid-19 cases, 24 ang aktibo nga kaso, 88 ang naka recover kag 11 ang napatay. | Aksyon Dale Salazar

LALAKI, PATAY MATAPOS GINTIRO SA SILAY

Nagatakilid sa semento kag wala na sang kabuhi ang isa ka 54 anyos nga lalaki sang luthangon sa Kalye Onse, Barangay Mambulac, Syudad sang Silay kaina sang aga.

Ang biktima ginkilala kay Rodulfo A. Cain Jr ” Jun Kumpol” pamilyado kag nagapuyo sa amo man nga Barangay.

Sa imbestigasyon sang Silay PNP sa pagpanguna ni PLt. Guilmor Cuare, Deputy of Police, nagapangape gid lamang ang biktima sang mag-abot ang duha ka suspetsado sakay sa motorsiklo kag ginluthang sang makaduha ka beses igo sa liog tunaan sang iya kamatayon.

Ang otoridad nakarekober sang duha ka cartridge sang kalibre 45 sa lugar sang insidente.

Suno sa otoridad, ang biktima isa ka street level individual kag naaresto naman sadto.

Karun sini, padayon pa ang imbestigasyon sang otoridad sa motibo sang krimen kag pagkilala sa mga suspetsado. | Aksyon Bryan Morden

GOV LACSON NAGPAIDALUM SA SELF-ISOLATION

Nagpaidalom sa self-isolation si Governor Bong Lacson umpisa subong nga adlaw, kalakip ang 18 ka mga empleyado sang Department of the Interior and Local Government (DILG) Negros Occidental.

Ini matapos magpositibo sa COVID-19 ang isa ka DILG Iloilo employee, nga nagtambong sa Provincial Anti-Drug Abuse Summit sang Biyernes Enero 22.

Suno kay Provincial Administrator Atty. Rayfrando Diaz II, si Lacson kag 18 ka mga DILG employees ang natalana nga magpa swab test bwas nga adlaw.

Dugang pa ni Diaz, kinahanglan nga magpa self-isolate ang gobernador bangud siya ang isa sa mga naghatag sang certificate of appreciation sa empleyada nga nagpositibo sa COVID-19.

Kalakip sa magapakuha sang swab test amo si DILG Negros Occidental OIC Provincial Director, Roselyn Quintana.

Gintalana sang gobyerno probinsiyal ang Mambucal Mountain Resort sa Minoyan Murcia nga amo quarantine facility nga teneran sang mga ini, samtang nagahulat sa resulta sang swab test.

Ginklaro man ni Diaz nga isa man siya sa mga nakatambong sa amo nga summit, apang wala maka close contact sa nagpositibo nga DILG official nga makabig bilang Authorized Person Outside Residence (APOR).

Setyembre 4, 2020, si Lacson ang nagpaidalom man sa self-isolation matapos magpositibo sa COVID-19 ang utility worker assign sa Governor’s Office. | Aksyon Marlon Genovea

MORE STORIES:

LIKE US ON FB

error: Ooops... You are not authorized to copy this content.