SECTIONS

368K NGA BALOR SANG DROGA NAKUMPISKAR SA DUHA KA BUY BUST OPERATIONS SA BACOLOD

  • at 5:28 pm
Share on facebook
Share on google
Share on pinterest
Share on twitter
Share on print

Nakumpiskar ang 368,000 pesos nga bili sang shabu sa duha ka separado nga buybust operations sang Biernes sang gab-i tubtob Sabado sang kaagahon sa Barangay Villamonte kag Barangay 2 syudad sang Bacolod.

Una nadakpan sang Bacolod City Police Office City Drug Enforcement Unit si Dindo Barcillo nga pumuloyo sang Rizal St. syudad sang Talisay, Biernes sang gab-i. Na-aresto si Barcillo sa Villa Ramos Subd. Barangay Villamonte upod kay John Michael Leonardia.

204 pesos nga bili sang shabu kag 600 pesos nga bili sang marijuana ang narekober kay Barcillo kag Leonardia.

Samtang na-aresto man sang Police Station 2 ang tatlo ka persona sa Purok Sigay Barangay 2 matapos sang buybust operation Sabado sang kaagahon.

Ginkilala ang mga ini nga sanday Joshua kag John Vincent Canlas kalakip kay Greg Sause lunsay pumuloyo sang Purok Sigay Barangay 2, Bacolod. Narekover ang 164 mil pesos nga bili sang shabu sa mag-utod. | Aksyon Eric Magbanua

KASO BATUK SA LIMA KA NEGRENSE ROFs, GINAPREPARAR NA

January 26, 2021

Ginapreparar na sang gobyerno probinsiyal ang kaso nga pagsupak sa health kag safety protocols kontra coronavirus disease 2019 (Covid-19), batok sa lima ka mga Negrense Returning Overseas Filipinos (ROFs) nga wala magsugid sang ensakto nga impormasyon sa pagpauli sa Negros Occidental.

Duha sa lima amo ang mag asawa nga halin sa London United Kingdom (UK) nga nagpositibo sa Covid-19 pagbalik sa ila lugar sa Antipolo Pontevedra.

Ginpahayag ni Provincial Administrator Atty. Rayfrando Diaz II, ginahulat na lamang ang kompleto nga mga dokumento halin sa Provincial Legal Office , kag resolusyon sang Sanguniang Panlalawigan nga nagahatag sang otoridad sa pagpasaka sang kaso.

May report man nga isumiter ang probinsiya sa National Inter-Agency Task Force (NIATF) agud ipabalo ang natabo nga misdeclaration sang Negrense ROFs nga nagpakilala bilang mga Locally Stranded Individuals. | Aksyon Marlon Genovea

GOV LACSON NAGPAIDALUM SA SELF-ISOLATION

January 26, 2021

Nagpaidalom sa self-isolation si Governor Bong Lacson umpisa subong nga adlaw, kalakip ang 18 ka mga empleyado sang Department of the Interior and Local Government (DILG) Negros Occidental.

Ini matapos magpositibo sa COVID-19 ang isa ka DILG Iloilo employee, nga nagtambong sa Provincial Anti-Drug Abuse Summit sang Biyernes Enero 22.

Suno kay Provincial Administrator Atty. Rayfrando Diaz II, si Lacson kag 18 ka mga DILG employees ang natalana nga magpa swab test bwas nga adlaw.

Dugang pa ni Diaz, kinahanglan nga magpa self-isolate ang gobernador bangud siya ang isa sa mga naghatag sang certificate of appreciation sa empleyada nga nagpositibo sa COVID-19.

Kalakip sa magapakuha sang swab test amo si DILG Negros Occidental OIC Provincial Director, Roselyn Quintana.

Gintalana sang gobyerno probinsiyal ang Mambucal Mountain Resort sa Minoyan Murcia nga amo quarantine facility nga teneran sang mga ini, samtang nagahulat sa resulta sang swab test.

Ginklaro man ni Diaz nga isa man siya sa mga nakatambong sa amo nga summit, apang wala maka close contact sa nagpositibo nga DILG official nga makabig bilang Authorized Person Outside Residence (APOR).

Setyembre 4, 2020, si Lacson ang nagpaidalom man sa self-isolation matapos magpositibo sa COVID-19 ang utility worker assign sa Governor’s Office. | Aksyon Marlon Genovea

MORE STORIES:

LIKE US ON FB

error: Ooops... You are not authorized to copy this content.