35 KA MGA BALAY SA BANAGO APEKTADO SANG LOCKDOWN

Share on facebook
Share on google
Share on pinterest
Share on twitter
Share on print
(Bacolod DRRMO Photo)

Apektado ang 35 ka mga balay kag 78 ka households sa Purok Bayanihan, Brgy. Banago syudad sang Bacolod matapos nga gin-lockdown sang otoridad ang lugar.

Ini matapos nga nag positibo sa Covid-19 ang 65 anyos nga babaye sa virus nga residente sang lugar.

Ang lugar ang gina kabig na nga Ultra Risk Area kag ang Barangay amo ang maga hatag pagkaon sa mga apektado nga mga pamilya. |

Suno kay Punong Brgy. Ricky Mijares, ang 35 ka mga balay ang gin lockdown takna las 7 sang gab-i sang Dominggo, cover sa 50 meter radius humalin sa balay sang nag positibo.

Ang Covid-19 Patient 9 ang stable kag yara na sa Bacolod Queen Mercy Hospital samtang ang 15 ka mga himata sang pasyente ang gin saylo na sa quarantine facility.

Suno sa Kapitan, normal ang sitwasyon sa ila nga lugar kag wala nag panic ang mga tawo.

Gin paathag ni Mijares, ang DOH amo ang maga assess sa sitwasyon pagkatapos sang 14 dias nga lockdown sa lugar.

Sa datus sang Bacolod Inter-Agency Task Force Against Covid-19, naga pabilin nga Ultra Risk Area ang Purok Sabes, Brgy. Villamonte ang lugar ni Patient 9 nga nagtaliwan kag ang balay ni Patient 5 sa Doña Juliana Subdivision, Brgy. Taculing.

Si Patient 5 ang naka home quarantine kag nagapabilin nga positibo sa virus. | Aksyon Dale Salazar

MORE STORIES:

error: Ooops... You are not authorized to copy this content.