35 KA INNER KAG BORDER CHECKPOINTS SA BACOLOD IBALIK UMPISA SETYEMBRE 3

Share on facebook
Share on google
Share on pinterest
Share on twitter
Share on print

Natalana nga ibalik ang 35 ka inner kag border checkpoints sa syudad sang Bacolod umpisa Setyembre 3 tubtob 15.

Ini matapos liwat ginpaidalom sa General Community Quarantine ang syudad sang Bacolod umpisa Setyembre 1 tubtob Setyembre 30.

Suno kay Lt. Col Ariel Pico, spokesperson sang Bacolod City Police Office, 27 ang ipahamtang sa inner borders kag 8 naman para sa outer borders.

Ini agud mapasiguro nga mapatuman ang mando nga ginsaad sa Executive Order #57 kag 58 ni Bacolod Mayor Bing Leonardia.

Palayag ni Pico, 24 oras ang checkpoints nga bug-usan sang 3 ka shifting sang mga personnel.

Nagapasalamat si Pico sa mga force multipliers nga boluntaryo nagabantay kag naga-upod sa kapulisan sa pagbantay sa checkpoints.

Palayag ni Pico, padayon man ang pagpahanumdom sa kapulisan sang “no touch policy”, pag gamit sang face mask, face shield kag pagpatuman sang social distancing agud malikawan nga madugangan pa nga may magpositibo sa ila hanay. | Aksyon Eric Magbanua

MORE STORIES:

LIKE US ON FB

error: Ooops... You are not authorized to copy this content.