34 KA MGA BRANCHES SANG ANGEL’s BURGER SA NEG. OCC. NAGSIRA; MGA ANAY TRABAHANTE AGPATIGAYON HUBLAG-PROTESTA

Share on facebook
Share on google
Share on pinterest
Share on twitter
Share on print
Nag-rally kag nagpabilin bilog nga gab-i ang kapin isa ka gatos nga mga anay empleyado sang bag-o lamang nagsira nga mga branches sang Angel’s Burger nga ginadumala sang MDLM Foods Corporation agud ipanawagan nga bayaran sila sang nagakaigo nga benepisyo sa hinali nga pagsira sang ila gina-trabahuan. Ginpahayag ni Richie Mahilum, presidente sang grupo sang mga anay empleyado, Lunes (Setyembre 24, 2018) sang hapon mismo sila ginpahibalo sa ila ginatrabahuan sa indi klaro nga rason. Bangud sini, wala maka-preparar ang mga empleyado nga makapangita sang posible nga maobrahan. Suno kay Mahilum, sang hapon sang amo nga adlaw nakigsapol ang Area Manager sang MDLM Foods Corporation sa grupo kag nag-presentar sang mga posible matabu. Apang nagapati ang grupo ni Mahilum nga wala sila sang kasiguruhan tungod wala sang may ginpakita nga mga dokumento ang Area Manager. Separation fee, 13th month pay kag pila ka mga benepisyo sa karon ang ginahulat sang amo nga grupo. Ginsiguro ni Mahilum nga magapabilin ang ila grupo sa atubang mismo sang opisina sang MDLM tubtub nga indi makig-dayalogo sa ila ang management sang amo nga kumpaniya. Nahibaluan nga 34 ka mga branches sang Angel’s Burger sa bilog nga probinsya sang Negros Occidental ang nagsira.

MORE STORIES:

LIKE US ON FB

error: Ooops... You are not authorized to copy this content.