34 KA MGA MYEMBRO SANG BACOLOD EOC NEGATIBO SA COVID-19

Share on facebook
Share on google
Share on pinterest
Share on twitter
Share on print
(Bacolod EOC FB photo, November 9, 2020)

Negatibo sa Covid-19 ang 33 ka mga miembro sang Bacolod Emergency Operations Center ukon EOC nga gin paidalum sa surveillance testing nag ligad nga Lunes nga adlaw.

Ini gin kumpirmar ni Dr. Chris Sorongon, deputy for medical sang EOC, sa Aksyon Radyo Bacolod.

Suno kay Sorongon, ini ang katapusan nga batch sang mga EOC members nga gin paidalum sa testing nga gina lakipan sang mga encoders, cluster head, myembro sang data management cluster kag naga pakita sa resulta nga wala sang positibo sa virus ukon asymptomatic sa ila.

Una na nga gin pahayag ni City Administrator Em Ang, nga naga kaangay lamang nga ipaidalum man sa surveillance testing ang mga EOC members nga adlaw-adlaw nga naga sapol para talakayon ang datus sa Covid-19 sa syudad.

Damlang lang, 11 ka mga naga trabaho sa AVM Bernardo Slaughterhouse ang nag positibo sa virus matapos man ang surveillance testing nga gin patigayon.

Sunod nga ipaidalum sa surveillance testing ang mga Barangay Health Emergency Response Team, Transport sector, kag mga driver sang food delivery services. | Aksyon Dale Salazar

MORE STORIES:

LIKE US ON FB

error: Ooops... You are not authorized to copy this content.