Patay ang 33 anyos nga lalaki matapos ginluthang sang wala makilala nga suspetsado sa Sitio Cang-ero, Brgy, Ani-e, banwa sang Calatrava, sabado sang gab-i.
Ang biktima ginkilala kay Joel Repompo, nagapuyo sa amo nga lugar.
Sa inisyal nga pagpangusisa ni Police Staff Sgt. Juanito Lambating Jr., si Repompo ang nakaangkon sang pilas sa li-og kag sa dalum sang natuo sini nga ilok nga amo ang gintunaan sang iya kamatayon.
Dugang pa ni Lambating, antes pa natabo ang insidente, gin alegar nagpadulong pa sa tindahan ang biktima agud magpangayu sang pasensiya sa tag-iya matapos nagmaoy isa ka adlaw antes ang insedente.
Nagapati si Lambating nga ginlambatan ang biktima sang suspetsado kag ginluthang gamit ang .38 caliber revolver.
Sa karon, nagapadayun pa ang imbestigasyon sang kapulisan sa motibo sang insidente.
