318 KA MGA TAWO GIN PAIDALUM SA MASS TESTING SA BAGO CITY

Share on facebook
Share on google
Share on pinterest
Share on twitter
Share on print
(Bago PIO Photo )

Kahadluk ang isa sa mga rason sang pila ka mga Bagonhons kun ngaa nagpamalibad ang mga ini, sa pagpakuha sang specimen swab sa Covid-19 mass testing sadtong Agusto 31, 2020.

Ini ang ginpahayag ni Bago City Mayor Nicholas Yulo, sa resulta sang mass testing , sa diin 318 lamang ka mga persona ang nakuhaan sang specimen.

Suno kay Yulo nga basi sa pagpangusisa sang Incident Management Team sa mga tawo nga wala magpa swab tests, nahadluk ang mga ini bangud basi sila ang palayuan sang ila mga kakilala, samtang may yara naman nga nahadluk mismo sa ginagamit nga test kits.

Apang ginklaro sang alkalde nga halos tanan nga mga symptomatic patients sa ila syudad, ang nakuhaan man sang swab test .

Dugang pa ni Yulo, kombinsido naman siya sa kadamuon sang mga ginswab tests, bangud umpisa sang gintukod ang contact tracing team sa ila syudad sang Agusto 3, naka swab ang mga ini sang 1,200 ka mga persona.

Ang Bago ang isa lamang sa lima ka mga pilot Local Government Units sa mass testing.

Samtang, apat ka adlaw nga i-implementar ang Zoning Containment Strategy (ZCS) sa City Government sang Bago para sa disinfection, sanitation, decontamination kag extensive contact tracing measures, agud mapungan ang pagdamo sang Covid-19 nga kaso.

Suno kay Yulo, lima ka mga empleyado sang City Health Office kag miyembro sang Incident Management Team ang nagpositibo sa Covid-19, kag subong ginapatigayon na ang contact tracing sa ila mga direct contacts.

Sa tion sang Zoning Containment, wala sang sin-o man nga makasulod sa premises sang City Hall, magluwas lamang sa otorisado nga tawo.

Tanan nga opisyal, empleyado kag trabahante nga apektado sang disease transmission bilang probable ukon suspects, ang dapat magpaidalom sa estrikto nga home quarantine. Nag-umpisa ang ZCS subong nga Setyembre 1 tubtub Setyembre 4, 2020. | Aksyon Marlon Genovea

MORE STORIES:

LIKE US ON FB

error: Ooops... You are not authorized to copy this content.