31 KA LSIs, APORs NAG ABOT SA BACOLOD SUBONG NGA ADLAW

Share on facebook
Share on google
Share on pinterest
Share on twitter
Share on print

Nag abot sa syudad sang Bacolod ang kapin 31 ka mga Locally Stranded Individuals ukon LSIs kag Authorized Persons Outside Residence ukon APORs gikan sa Metro Manila subong nga adlaw, Hulyo 13.

Ini ang una nga batch sang LSIs kag APORs nga nag byahe pabalik sa Bacolod matapos ang duha ka semana nga gin untat ang ila byahe pabalik sa Western Visayas.

Suno kay Councilor Cindy Rojas, chair sang Action Team on Returning Non-OFW residents, ang 31 ka LSIs kag APORs nga nag abot sa Bacolod Silay Airport sakay sa Philippine Airlines ang gin dala sa quarantine centers kag ginpaidalum sa RT-PCR Test.

Gina paabot ni Rojas nga kada adlaw may yara sang LSIs ukon APORs nga maga abot sa Bacolod.

Gin paathag sang Konsehal, base sa pagsinapol sang mga opisyal sang syudad sadtong Sabado, ang APOR nga maga tinir sa Bacolod sang lima ka adlaw panubo ang ipaidalum sa swab test kag pwede na maka ubra samtang ang APOR nga maga tinir sa Bacolod sang masobra lima ka adlaw ang ipaidalum sa swab test kag quarantine.

Gina kabig ni Rojas nga gray area ang polisa sang gobyerno nasyunal angut sa ‘unhampered travel’ sang APOR pero wala man sila sang may mahimo kon mag sunod sa mando.

Samtang, may 12 man ka Bacolodnon OFWs ang nag abot sa Bacolod kahapon nga adlaw, Domingo. | Aksyon Dale Salazar

MORE STORIES:

LIKE US ON FB

error: Ooops... You are not authorized to copy this content.