303RD IB PADAYUN ANG PAGPANAGTAG SANG FOOD PACKS SA MGA APEKTADO NGA PAMILYA

Share on facebook
Share on pinterest
Share on twitter
Share on print

Padayon nga nagabulig sa pagpanagtag sang food packs sa pamilya nga apektado sang covid-19 crisis sa Negros Occidental ang mga myembro sang 303rd Infantry Brigade, Philippine Army , 5th Philippine Air Force Reserve Center kag 14th Civil Military Operations Battalion.

Sa press release sang 303RD Brigade, may kapin na sa 3,000 ka mga family food packs ang nakarga sa mga trak kag natalana nga ipanagtag , kabahin sa padayon nga implementasyon sang Modified Community Quarantine sa bug-os nga probinsya.

Ini nga aktibidad ang ginpatigayon sang Department of Social Welfare and Development Regional Office 6, agud makahatag sang relief augmentation sa komunidad.

Suno kay Colonel Inocencio Pasaporte, 303rd Infantry Brigade Commander , nga sa bulig sang mga myembro sang Inter-Agency Task Force, ila ipasiguro ang matawhay kag dalayon nga pagpanagtag sang relief goods sa mga pamilya nga apektado sang krisis. Ginpanawagan ni Pasaporte sa publiko nga sundon ang guidelines kag safety protocols sang gobyerno agud matapna ang COVID-19. | Aksyon Marlon Genovea

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.