302ND IB KAG NPA, NAGENKWENTRUHANAY SA GUIHULNGAN CITY

Share on facebook
Share on google
Share on pinterest
Share on twitter
Share on print

Ginklaro ni Brigader General Ignacio Madriaga, commander sang 302nd Infantry Brigade sang Philippine Army nga wala sang ambush nga natabo kundi isa ka lehitimo nga enkwentro ang natabo sa tunga sang New People’s Army kag mga miembro 94th Infantry Batallion, las 8:25 kahapon sang aga, Enero 14 sa Brgy. Linantuyan syudad sang Guihulngan.

Suno kay Madriaga, padulong kuntani sa condemnation rally ang mga militar sakay sa military truck sang nasugata sang mga ini ang ginabulubanta lima tubtob napulo ka mga miembro sang NPA rason kag nagluntad ang pagbayluhanay sang lupok nga nagdugay sang 20 tubtob 30 minutos.

Wala naman sang may napilasan sa bahin sang militar apang wala man mahibaluan kun may napilasan sa bahin sang NPA bangud nagdinalagan ang mga sa wala mahibaloan nga direksyon.

Palayag pa ni Madriaga isa ka condemnation rally ang gin organisa sang mga pumuluyo sang amu nga barangay agud mapalab-ot sa NPA nga wala na sila malipay kag ila ginakondenar ang mga nagakatabo nga pinatyanay sa lugar.

APAT KA MGA KARABAO PATAY MATAPOS NAIGO SANG KILAT SA BARANGAY BACONG, BAGO CITY

Patay ang apat ka mga karabao sang Pamilya Dellosa matapos naigo sang kilat sa Purok Kalubihan, Barangay Bacong, syudad sang Bago, Sabado, Mayo 8.

Sa interview sang Aksyon Radyo kay Carlo Dellosa, 18 anyos, ang apat ka karabao ang yara sa idalum sang kawayan sang natabo ang insidente.

Suno kay Dellosa, mga las 12 kaina sang udto sang nag ulan sa ila nga lugar, nag init, antes nga nag igo ang makusog nga kilat.

Nagapati si Dellosa nga naigo sang kilat ang apat nila karabao bangud nasunog ang pila ka bahin sang lawas sang sapat.

Nagakasubo ang Pamilya Dellosa sa nadangatan sang karabao nga nagabulig sa ila sa uma. | Aksyon Dale Salazar

LALAKI, NAKUHAAN SANG MASOBRA 200K NGA BALOR SANG GINAPATIHAN SHABU

Masobra 200 mil ka pesos nga balor sang ilegal nga droga ang narekober sang mga kapulisan gikan sa isa kag gin-alegar drug pusher kag 3 pa ka iban sa buybust operation kahapon sa  Purok Bino, Brgy. Oringao, syudad sang Kabankalan. 

Ang subject sa operation ginkilala kay Jeffrey Cortez, 46 anyos, residente sang amo nga lugar.

Sa inisyal nga pahayag ni PLt. Jomel Salarda, DCOP sang Kabankalan City Police station, si Cortez ang nalista bilang Top 5 station level drug personality kag naaktuhan nga nagbaligya sang ilegal nga droga.

Narekober sa iya ang 5 ka dalagku nga platic sa sachet sang ginasuspetsuhan shabu ginabulubanta 35 gramos ang kabug-aton nga may dangerous drugs board value 238 mil ka pesos kag nakuha man sa iya ang 1 ka cal. 38 revolver.

Nadakapan man ang mga upod ni Cortez nga sanday Rene Gumarang, 36 anyos, Arnel Sarona 28 anyos lunsay nagapuyo sa  Purok, Paghidaet, Brgy. Tagukon kag

Joseph Eranes 53 anyos, residente sang Brgy. Poblacion, banwa sang Mabinay, Negros Oriental.

Narekober sa posisyon ni Gumarang ang 10 ka sang suspected shabu,  duha pa ka  plastic sachet sang suspected shabu kay Sarona, samtang narekober man kay Eranes ang duha ka transparent plastic sachets sang ginasuspetsuhan shabu.  | Aksyon Alvin Grava

MORE STORIES:

LIKE US ON FB

error: Ooops... You are not authorized to copy this content.