300 KILOS SANG EXPIRED MEAT NAKUMPISKAR SA ESTABLISAMENTO SA BRGY. MANSILINGAN

Share on facebook
Share on google
Share on pinterest
Share on twitter
Share on print
(Task Force Botagoy Photo)

Ginkumpiskar kag ginlubong sang Task Force Botagoy ang 300 ka kilos nga karne sg baboy nga ila natukiban nga expired sa storage sang Puregold Mansilingan kahapon nga adlaw, Biernes.

Suno kay Executive Assistant Ernie Pineda, ini ang ginapanag iyahan sang G- FRESH nga kumpaniya kag ang nasambit nga mga produkto ang lunsay mga imported.

Dugang pa ni Pineda, Setyembre 20, 2020 pa ang expiration sg nasambit nga mga karne. Ginbulgar man ni Pineda nga ang nasambit nga kumpaniya ang nakuhaan man sang 3,000 kilos nga mga expired nga karne nagligad nga tuig.  

Gin klaro ni Task force head Martin Pinaga nga ang mga karne ang wala gina display kundi yara lamang sa storage.

Palayag ni Pinaga nga padayon ang monitoring sg Task Force Botagoy agud mabantayan ang iligal nga pag ihaw kag ang pagbantay man sang mga expiration dates sang gina baligya nga karne. | Aksyon Eden Aboso

TAGA SAN CARLOS NGA NAGPANGAYAW BULANG SA CALATRAVA, POSITIBO SA COVID-19

Ginkumpirmar ni San Carlos City Mayor Rene Gustillo nga isa ka lalaki nga nagpamulang sa banwa sang Calatrava ang nagpositibo sa COVID-19.

Sa interview sa Aksyon Firing Line, ginpahayag ni Gustillo nga nadulaan sang panabor ang pasyente rason nga ginpaidalom sa swab test kag naggwa nga positibo sa virus.

Suno kay Gustillo, nagapadayon ang contact tracing sa syudad kag ginapanawagan sang alkalde sa mga nakakadto sa bulangan nga taga-San Carlos nga kon mahimo magpakig-angot sa syudad agod mahibaluan ang kondisyon kag madula ang kabala sa posible paglapta pa sang virus.

Sa karon, yara sa hospital ang pasyente kag limitado pa ang detalyi sang alkalde tungod ginahapo pa kon istoryahon ang nagpositibo nga ginabulubanta naga-edad sang masobra 60 anyos.

MORE STORIES:

LIKE US ON FB

error: Ooops... You are not authorized to copy this content.