300 KILOS NGA EXPIRED MEAT NAKUMPISKAR SA ISA KA ESTABLISAMENTO SA LIBERTAD

Share on facebook
Share on google
Share on pinterest
Share on twitter
Share on print
(Task Force Botagoy Photo)

Nakumpiskar sang Task Force Botagoy ang expired nga mga karne nga naka-stock sa storage room sang isa ka balaligyaan sa Libertad diri sa syudad sang Bacolod subong nga adlaw, Lunes.

Suno kay Task Force Botagoy head Edward Martin Pinaga, ini nga mga produkto ang ila nga nadiskubrehan samtang naga patigayon sang routine inspection sa lugar.

Dugang pa ni Pinaga, naglab-ot sa 300.75 ka kilo sang imported meat ang ila nga na-recover sa diin base sa ila nakuha nga record ini nga mga produkto ang gin manufactured sadtong tuig 2018 samtang Setyembre tuig 2020 naman ang expiration date.

Ini nga mga produkto ang sadto gin-deliver sang supplier nga G-fresh apang ini wala na gin balikan.

Gin tinguhaan sang Task Force Botagoy nga maka pakig-angut sa tagdumalahan sang amo nga kumbuyahan apang ini ang wala sang opisina sa Bacolod ukon contact person man lang nga ila puede ma sugilanon.

Suno pa kay Pinaga, ila na nga na dokumento ang amo nga operasyon samtang napalubong naman ang mga na recover nga karne sa bulig sang AVM Bernardo.

Tinalikdan nga Sabado sang ila man na rekober ang kapin 300 kilos nga expired meat sa storage sang isa ka kumbuyuhan sa Barangay Mansilingan. | Aksyon Art Tayhopon

BABAYE PILASON SANG GINBUNO SANG LIMA KA BESES

Nakaangkon sang lima ka pilas ang isa ka babaye matapos ginbuno sa President Osmena Street, Don Juan Subdivision, Barangay 2, Syudad sang San Carlos.

Ang biktima ginkilala kay Angelou Olavia, 27 anyos, dalaga kag nagapuyo sa amo man nga lugar.

Base sang imbestigasyon sang San Carlos PNP, nagsulod sa compound sang boardinghouse ni Olavia ang wala makilala nga suspetsado kag sang ginpamangkot ini hinali lang siya nga gintapungol kag ginbuno.

Suno kay Olavia, mahimo sini makilala ang suspetsado kun liwat nga makit-an.

Padayon ginabulong sa hospital ang biktima kag gina-imbestigahan pa sang tul-id ang motibo sang pagbuno. | Aksyon Bryan Morden

MAG-LOLO PILASON MATAPOS NABUNGGUAN SANG MOTORSIKLO

Pilason ang mag-lolo matapos nabunggoan ang ila ginasakyan nga trisikol sang motorsiklo sa Economic Highway sakop sang Barangay Cabug syudad sang Bacolod, kagab-i, Dominggo.

Ginbunggo-an sang motorsiklo nga ginamaniho ni Rirzard Bionat, 31 anyos sang Deca Homes Barangay Cabug ang trisikol nga ginadala ni Elmer Delgado, 56 anyos sang Purok AC-Yulo Barangay Sum-ag syudad sang Bacolod.

Upod ni Delgado sa trisikol ang iya apo nga si Kheite Gerence Petalla nga naka-angkon sang minor injury.

Gindala sa Corazon Locsin Montelibano Memorial Regional Hospital si Delgado upod sang iya apo nga si Petallar.

Naka-angkon man sang pilaso si Bionat matapos matumba sa ginasakyan niya nga Honda Scooter.

Suno kay Police Corporal Roland Abong, traffic investigator sang Police Station 9 nakasangit sa likod sang trisikol ang motorsiklo ni Bionat rason sang aksidente. | Aksyon Eric Magbanua

MORE STORIES:

LIKE US ON FB

error: Ooops... You are not authorized to copy this content.