30% SEATING CAPACITY GINPAHANUGUTAN PARA SA RELIGIOUS GATHERING

Share on facebook
Share on google
Share on pinterest
Share on twitter
Share on print

Nagsaka na sa 30% ang seating capacity sa pagpatigayon sang mga religous gathering sa syudad sang Bacolod sa idalum sang General Community Quarantine ukon GCQ.

Ini base sa Executive Order No. 70 nga gin isyu ni Bacolod Mayor Evelio Leonardia nga naga palawig sang GCQ umpisa Nobiembre 1 tubtob 30.

Kon madumduman, ang Bacolod nga gin paidalum sa GCQ humalin Oktubre 1 tubtob 31 ang gina tugutan lamang ang 10% nga religious activity.

Nasaad sa E.O sang Alkalde nga pwede ang 30% nga seating capacity sa mga religious gathering basta wala sang objection sa LGU, base man sa Resolution No. 80 sang National IATF.

Samtang, naga pabilin sa gihapon ang curfew sa syudad umpisa las 10 sang gab-i tubtob las 4 sang kaagahon.

Gina patuman sa gihapon ang partial lifting sang liquor ban ukon pwede maka bakal sang ilimnon umpisa las 12 sang udto tubtob las 6 sang gab-i pero mag inom lamang sa pribado nga lugar.

MORE STORIES:

LIKE US ON FB

error: Ooops... You are not authorized to copy this content.