30 KA MGA BALAY GIN LOCKDOWN SA PUROK PINETREE, BRGY BATA

Share on facebook
Share on google
Share on pinterest
Share on twitter
Share on print

Nag positibo sa Covid-19 ang 32 anyos nga lalaki nga residente sang Brgy. Bata, syudad sang Bacolod.

Suno kay Vice Mayor El Cid Familiaran, chairman sang Bacolod IATF, si Patient 18 ang isa ka personal driver nga gin paidalum sa swab test sang Hunyo 5 matapos nga nag batyag sang sintomas kag subong nga adlaw nagwa nga positibo ini sa Covid-19 infection.

Suno sa Bise-Alkalde, ang swab ni Patient 18 ang gindala sa Teresita Jalandoni Provincial Hospital sa syudad sang Silay.

Suno kay Familiaran, base sa protocol sang DOH, kon ang persona ang nagabatyag sang sintomas, automatic ini nga kabigon nga Patient Under Investigation.

Gina validate sa karon sang otoridad ang travel history sang nagpositibo kag padayun ang contact tracing sang City Health Office kag Provincial Health Office.

Gin paidalum sa lockdown ang 30 ka mga balay nga may 45 ka mga pamilya ukon 30 meter radius humalin sa balay nga gina arkilahan ni Patient 18.

Suno kay Punong Barangay Lito Abaring, si Patient 18 ang indi residente sang Brgy. Bata kundi naga arkila lamang upod ang isa pa ka persona.

Suno kay Abaring, nag pangabay na ini sang pulis nga mag monitor sa area lakip na ang Barangay Tanod kasunod nga may resistance sa iban nga pumuluyo nga luyag mag gwa kag mag bakal sang pagkaon.

Ang Barangay Bata Council ang nag hatag na sang foodpacks kag tubig sa mga apektado nga pamilya.

Suno kay Abaring, ang pasyente ang ginpaidalum sa home quarantine kag subong nga adlaw gin patigayon man ang pagkuha sang swab specimen sa mga close contact sang pasyente.

Samtang, base sa DOH Western Visayas Center for Health Development Bulleting No. 76 nga gin pagwa subong nga hapon, naka recover na sa Covid-19 ang anum ka OFWs nga naka facility quarantined sa syudad sang Bacolod.

Ini ang gina lakipan sang 27 anyos nga babaye nga OFW, 28 anyos nga lalaki nga OFW, 41 anyos nga lalaki nga OFW, 38 anyos nga lalaki nga OFW, 43 anyos nga lalaki nga OFW, lunsay residente sang Bacolod City.

Nakarecover man ang 27 anyos nga lalaki nga residente sang syudad sang Bago pero naka quarantine sa Bacolod.

Ang Bacolod City ang may 18 ka mga Covid-19 cases, 12 ang naka recover, tatlo ang napatay, kag karon tatlo ang aktibo nga kaso. | Aksyon Dale Salazar

MORE STORIES:

LIKE US ON FB

error: Ooops... You are not authorized to copy this content.