3 KA BENEPISYARYO SANG SAP KAG 4Ps SA VICTORIAS DAKOP BANGUD NA AKTUHAN NGA NAGAPANAHOR

Share on facebook
Share on google
Share on pinterest
Share on twitter
Share on print

Nadugangan sang tatlo ang nagkaladakpan nga nagapanahor sa Syudad sang Victorias nga benepisyaryo sang Social Amelioration Program ukon SAP kag Pantawid Pamilyang Pilipino Program ukon 4P’s.

Ang mga ini amo sanday Roberto Gentica, 32 anyos, Randy Besana, 22 anyos tanan nakakuha sang 6,000 pesos sa SAP kag Jonel Marila, 32 anyos isa ka 4P’s member nga lunsay mga nagapuyo sa Sitio Pasil, Barangay 6A.

Suno kay PLt. Col. Eduardo Corpuz, ang mga suspetsado nadakpan sang akto nga naghambal sang tong-its.

Nakumpiskar sa ila puder ang lamesa, baraha kag 250 pesos nga kwarta.

Karun sini, 14 na nga nagkaladakpan sa Victorias nga lunsay benepisyaryo sang gobyerno sa idalum sini nga crisis nga COVID-19.

PDEA: SIYAM KA DRUG GROUP LEADERS AKTIBO NGA NAGASUPLAY SANG DROGA SA BACOLOD KAG NEGROS OCCIDENTAL

Ginkumpirmar ni PDEA Negros Occ. Head, Nicholas Gomez, nga 9 ka mga drug group leaders ang aktibo nga nagasuplay sang ilegal nga droga sa syudad sang Bacolod kag Probinsya.

Sa interview sang Aksyon Radyo Bacolod kay Gomez, ginpahayag sini nga isa si Michael Divinagracia sa 9 ka mga drug group lider nga nagpanago kag napatay sa probinsya sang Rizal.

Dugang pa ni Gomez, nahibaluan sang ila ahensya ang ngalan sang 8 pa ka mga lider paagi sa rebelasyon sang mga nagkaladakpan sa buy-bust operation.

Kaangay sang istilo sadto ni Michael Divinagracia kag sang grupo sini, naglaylo kag ginpili sang mga drug group lider nga magpalayo sa syudad kag magtiner sa Luzon agud indi makita sang otoridad.

Ginpahayag ni Gomez ang bag-o nga istilo sang mga ilegalista, ina amo ang pagkuha sang bag-o nga drug personality nga ginahimo bilang bagsakan sang ilegal nga druga. | Aksyon Alvin Grava

PFIZER NGA BAKUNA SANG NEGROS OCCIDENTAL PAGAUSARON UMPISA HUNYO 28

1,000 ka mga persona kada adlaw ang target nga mabakunahan sang Pfizer-BioNTech COVID-19 Vaccine sa Negros Occidental.

Suno kay Provincial Administrator Atty. Rayfrando Diaz II, maga umpisa  ang pagbakuna   sa Hunyo 28  tubtub Hulyo 2, 2021  sa duha ka mga gindesignar  nga vaccination sites.

Ini amo ang Teresita L. Jalandoni Provincial Hospital sa syudad sang Silay    kag Negros Residences sa syudad sang Bacolod.

May 300 ka mga tawo ang target nga mabakunahan sa Silay kada adlaw, samtang 700 naman sa Bacolod.

Gin-athag ni Diaz nga may 2 lamang ka vaccination areas nga gintalana ang probinsiya, bangud diri nahamtang ang Ultra Low Freezer  para sa Pfizer vaccines.  | Aksyon Marlon Genovea

MORE STORIES:

LIKE US ON FB

error: Ooops... You are not authorized to copy this content.