29 ka mga buluthuan sa syudad sang Bacolod ang maga compete sa 1st Vice Mayor El Cid Familiaran Futsal Festival sa maabot nga Setyembre 21 tubtob 22 sa gymnasium sang Bacolod City National High School.
Suno kay Acting Mayor Familiaran, 20 ka mga pampubliko nga buluthuan kag 9 ka pribado nga buluthuan sa high school ang maga compete sa apat ka mga kategoriya.
Gin klaro ni Familiaran nga wala sang pondo nga gin usar gikan sa gobyerno sang Bacolod sa pagpatigayon sang kompetisyon.
Ang kahiwatan ang gina suportahan sang Department of Education sa Bacolod kag pila ka mga pribado nga sponsors.
Suno kay Match Commissioner Dennis Estaniel, tuyo sang kompetisyon nga maka diskobre sang mga kabataan nga mahanas ang ila talento kag posibilidad nga ma recruit para mag compete sa mga national games.
Ang Futsal ang isa ka sports nga kaangay sang footbal pero ini ang indoor game kag gina hampang sang lima ka mga players sa malip-ot lang nga tion. | Aksyon Dale Salazar