(adsbygoogle = window.adsbygoogle || []).push({});

285K NGA BALOR SANG DROGA NAKUMPISKAR SA TATLO KA DRUG OPERATIONS SA SILAY

Share on facebook
Share on google
Share on pinterest
Share on twitter
Share on print

Nakumpiskar ang balor 285,000 pesos sang ginasuspetsuhan shabu sa tatlo ka buybust operation sang kapulisan sa syudad sang Silay.

Una nga gin-buybust sang otoridad si Rodel Ocera, 41 sang Buenavista Subdivision, Barangay Guinhalaran, nga nakuhaan sang 120,000 pesos sang ginapatihan shabu, drug paraphernalia, 500 pesos nga buybust money kag cellular phone.

Nadakpan naman si Ramon Lerpido, 53 anyos kag nagapuyo sa Purok Mangingisda sa amo man nga Barangay. Nakuha sa iya puder ang balor 90,000 pesos sang ginapatihan shabu, drug paraphernalia, 500 pesos nga buybust money kag 600 pesos nga benta.

Wala man nakapalagyo sa otoridad si Jolioe Osainas, 27 anyos kag pumoloyo naman sa Purok Dacutan Dacu, Barangay Mambulac sa amo man nga syudad.

Narekober kay Osainas ang balor 75,000 pesos sang ginapatihan shabu kag drug paraphernalia.

Kumpiyansa si P/Maj Rollie Pondevilla, hepe sang Silay PNP nga wala sang laboratoryo sang shabu sa syudad sang Silay, kasunod nga wala sang untat nga dinakpanay sini sa panahon sang corona virus disease ukon COVID-19.

Suno kay Pondevilla, mahimo nga may nakasulod na nga items sa Silay antes pa man ginpatuman ang enhanced community quarantine ukon ECQ.

Aminado si Pondevilla nga padayon ang pagbaligya sang mga suspetsado sa pihak nga dyutay ang nagabakal bangud sa hugot nga pagpatuman sang curfew.

Apang, nagpasiguro si Pondevilla nga padayon man ang ila operasyon sa pihak nga masako sila sa mga check up points, agud magkaladakpan ang mga durogista.

Nahibal-an, nagapuyo sa Silay si Michael Divinagracia, ang ginakabig nga dako nga drug personality sa probinsya.| Aksyon Bryan Morden

MORE STORIES: