28 KA MGA OFWs NASAYLO NA SA ISA KA ACCOMMODATION ESTABLISHMENT

Share on facebook
Share on google
Share on pinterest
Share on twitter
Share on print
(Bacolod PIO Photo)

Gin saylo na sa isa ka accommodation establishment sa Barangay 7 syudad sang Bacolod ang 28 tanan ka mga OFWs nga una gin paidalum sa 14 dias nga mandatory quarantine sa Graciano Lopez Jaena Elementary School.

Suno kay Councilor Israel Salanga, chairman sang Action Team on Returning OFWs ukon ATRO, ini nga mga OFW ang gin transport paagi sa City Bus sang Bacolod nga gin updan sang pila ka mga medical workers kag PNP personnel.

Dugang pa ni Salanga, personal man ini nga nagpatigayon sang amo nga pagsaylo paagi sa kooperasyon sang OWWA kag kaupdanan sini nga mga city officials nga sanday Councilor Renecito Novero kag Vice Mayor El Cid Famillaran.

Gin klaro man sang konsehal nga maga pabilin sa lugar ang amo nga mga OFW tubtob matapos ang naga kaigo nga quarantine period bisan pa man nga mag negatibo pa sa COVID-19 ang resulta sang ila mga RT-PCR test sa Iloilo.

Samtang, ginpahamtang sa separado nga mga kwarto kag wing ang apat ka mga OFW nga nag positibo sa rapid test.


Suno kay Vice Mayor El Cid Familaran, ini nga lihok ang kabahin sang seguridad nga ila gin patuman samtang gina hulat pa ang resulta sang swab sample nga gin padala sang syudad sa Iloilo para sa RT-PCR test.

Dugang pa ni Famillaran, may yara sang naga kaigo nga mga personnel nga maga bantay sa lugar agud ipasiguro nga indi maka gwa sa ila tagsa ka mga kwarto ang mga OFWs.

Gin pasiguro man sini sa mga residente nga yara malapit sa Tourist Inn sa Brgy 7 nga ini sila ang wala sang dapat kabalak-an ilabi na sa isyu sang seguridad. | Aksyon Art Tayhopon

MORE STORIES:

error: Ooops... You are not authorized to copy this content.