Narekober ang masobra 270,000 pesos nga balor sang ginasuspetsuhan shabu sa buy bust operation sang Police Station 2 sa Purok Tambipalad Barangay 10, syudad sang Bacolod kaina sang hapon, Hwebes.
Nadakpan ang subject sang buy bust operation nga ginkilala kay Joyce Delagente, 23 anyos, residente sang nasambit nga lugar kag isa ka high value individual. Suno kay Police Station 2 Commander Police Major Sherlock Gabana, nanliligad nga mga semana sang nagwa ang report nga ginagamit ni Delagente ang iya ngalan nga amo ang supplier sang ilegal nga droga sa lugar.
Naglawig sang tatlo ka semana ang monitoring nga ginpatigayon sang mga kapulisan batuk kay Delagente. Arestado man ang gin-aligar ginadul-ungan sang supply ni Delagente nga ginkilala kay Jomary Jardeliza, 32 anyos.
Nakuha sa buy bust ang anum ka dalagko kag dose ka medium-sized transparent plastic sachet sang ginasuspetsuhan shanu nga ginabulubanta nagabug-at 40 gramos, duha ka improvised tooter, duha ka disposable lighter, kilohan, kahita kag kwarta.
Priso karun sa custodial facility sang Police Station 2 ang duha ka mga nadakpan para sa nakaigo nga disposisyon. | Aksyon John Diaz
