25 SA 1, 665 KA PUBLIC MARKET VENDORS NGA GIN PAIDALUM SA SURVEILLANCE TESTING NAG POSITIBO SA COVID-19

Share on facebook
Share on google
Share on pinterest
Share on twitter
Share on print
(City Administrator Em Ang FB Photo)

25 lamang ang nag positibo sa Covid-19 sa 1, 665 ka mga public market vendors nga gin paidalum surveillance swab testing sa syudad sang Bacolod nagligad nga Oktubre 10.

Sa press statement nga gin pagwa ni Mayor Bing Leonardia, 1.5% ang positivity rate sa surveillance testing.

Suno sa Alkalde, ang madinalag-on nga surveillance testing ang bangud sa kooperasyon kag commitment sang mga market vendors sa pakig-away kontra Covid-19.

Suno naman kay City Administrator Em Ang, ini ang patimaan nga epektibo ang mga safety protocol nga gina patuman sa merkado kaangay sang pag suksok sang face shield kag face mask, pag patuman sang one entrance, one exit policy, pag butang sang handwashing areas, kag pag sunod sa physical distancing.

Importante suno sa City Administrator nga na identify na sang syudad ang mga nag positibo sa Merkado para ini ang ma isolate kag indi na mag lapta ang Covid-19.

Sa virtual briefing, gin pahayag ni Dr. Chris Sorongon, deputy for medical sang Emergency Operations Center, nga ang 25 nga nag positibo ang tanan asymptomatic ukon wala sang may gina batyag nga sintomas. | Aksyon Dale Salazar

MORE STORIES:

LIKE US ON FB

error: Ooops... You are not authorized to copy this content.