Nasaylo na sang extraction team sang syudad sang Bacolod sa isolation facility ang 25 ka mga public market vendors nga nag positibo sa surveillance swab testing.
Suno kay Executive Assistant Ernesto Pineda, cluster head on market kag pamuno sang extraction team, 23 ka mga Covid positive ang gin saylo sa isolation facility, 1 ang nag quarantine sa pasilidad sang Silay kag isa pasilidad sang EB Magalona.
Dugang pa ni Pineda, iga byahe subong nga adlaw ang specimen sang 347 ka dugang nga market vendors nga gin swab test sang sang Martes padulong sa laboratoryo sa syudad sang Cebu.
Gina paabot ni Pineda nga mag gwa ang resulta sa Biernes ukon Sabado nga adlaw.
Samtang, gin pahayag ni Pineda, nga gina duso sang mga market vendors ang two entrance, two exit policy kag pag bukas sa merkado sa adlaw sang Domingo, kag ini tanan ang subject pa sa approval sang syudad. | Aksyon Dale Salazar
