Nag negatibo sa RT-PCR Test ang 22 na ka mga pulis sang Negros Occidental Police Provincial Office nga gindestino sa mga quarantine facility sa probinsiya sg Negros Occidental.
Suno kay NOCPPO Spokesperson Police Major Edison Garcia, ginkuhaan ang mga ini sang swab test matapos nga may nagapositibo sa quarantine facility nga ila ginabantayan.
Dugang pa ni Garcia, may ginapahamtang nga mga pulis sa kada pasilidad para magbantay sa seguridad sang mga ginapaidalom sa quarantine kag nagaduty sila sang tag 15 ka adlaw.
Matapos ang 15 ka adlaw kon wala sang may nagpositibo sa quarantine facility nga ila ginabantayan, wala na sila ginapaidalom sa swab test.
Sa karon, nagapakig-angot na ang NOCPPO sa kada Local Government Unit diri sa probinsiya agud makapatigayon sang RT-PCR test sa masobra 1,900 ka mga kapulisan. | Aksyon Eden Aboso
