Nag abot subong nga adlaw, Mayo 25, ang 214 ka mga Bacolodnon kag Negrense OFWs nga na stranded sa Metro Manila sakay sa 2Go Malasakit Voyage.
Ini ang pinakadamo nga batch sang mga OFWs nga nag abot sa Bacolod nga gina lakipan sang 113 ka Negrense kag 99 ka Bacolodnon.
Suno kay Councilor Israel Salanga, chair sang Acting Team on Returning OFWs, ang mga repatriates nga Bacolodnon ang gin paidalum sa orientation kag gin diretso sa mga hotel kag pension house nga maga serbe nga quarantine facility para sa ila 14-day mandatory quarantine.
Suno sa Konsehal, wala gina pasakay sa barko kon ang OFW ang wala sang negative nga result sang Covid-19 RT-PCR test kag validated nga certificate nga nakatapos na sang 14-day quarantine gikan sa Bureau of Quarantine.
Suno pa kay Salanga, maga pakigangut ang syudad sa mga motel ukon lodging house nga posible tiniran sang mga OFWs nga natalana pa mag balik sa syudad.
Una nga nag mando si Presidente Rodrigo Duterte nga subong nga semana papulion ang 24,000 ka mga OFWs sa ila mga probinsya. | Aksyon Dale Salazar
