21 KA NEGRENSE LSIs KAG ISA KA BACOLODNON LSI, NAG POSITIBO SA COVID-19

Share on facebook
Share on google
Share on pinterest
Share on twitter
Share on print

Nagpositibo sa COVID-19 ang 21 ka mga Negrosanon kag isa ka Bacolodnon nga ginakabig nga Locally Stranded Individuals ukon LSIs.

Sa ginpagwa nga datos sang Department of Health, may kabilugan nga 25 ang panibag-o nga kaso sang COVID-19 sa Region 6 sa diin, ang tatlo taga-syudad sang Iloilo.

Ang mga Negrosanon LSIs nga nagpositibo ginabug usan sang tig-apat sa syudad sang Escalante kag banwa sang Calatrava; tig-duha sa syudad sang La Carlota, San Carlos kag banwa sang Murcia; tig-isa sa syudad sang Himamaylan kag Sagay kag mga banwa sang Cauayan,Binabalbagan, Toboso, Ilog kag Moises Padilla.

Samtang, duha ka Bacolod kag isa ka taga banwa sang Murcia, Negros Occidental ang kalakip sa recoveries sa COVID-19.

Naglab-ot na sa 228 ang kumpirmado nga kaso sang COVID-19 sa Western Visayas sa diin, 96 ang aktibo, 121 ang recoveries kag nagapabilin sa onse ang patay. | Aksyon Ann Defensor

LALAKI NADAKPAN SA BUY-BUST OPERATION

Dakop ang isa ka lalaki matapos ang buy-bust operation sa San Juan Tunga, Barangay 5, Syudad sang San Carlos.

Gin kilala ang nadakpan kay Joemarie Layam, 26 anyos, wala sang trabaho kag nagapuyo sa amo man nga lugar.

Sa pagpanguna ni PLt Roby Aurita, Deputy of Police sang San Carlos PNP, tigayon nabaklan sang ginapatihan shabu si Layam kag nakunpiskaran sa balor 10, 200 pesos kay 400 pesos nga buy-bust money.

Priso na ang nadakpan sa custodial facility sang San Carlos PNP. | Aksyon Bryan Morden

MORATORIUM SA QUARRY OPERATIONS SA PROBINSYA, GINADUSO

Igarekomendar sang Sanguniang Panlalawigan sang Negros Occidental ang moratorium sa mga quarry operations sa bug-os nga probinsya , kun mapamatud-an nga ini ang isa sa mga gintunaan sang baha sa Northern Negros.

Ini ang ginpahayag nanday Vice Governor Jeffrey Ferrer, kag Third District Board Member Andrew Montelibano.

Suno kay Montelibano ila pagatutukan kun paano matapna ang   illegal quarry operations  kag ipasiguro nga nagasunod sa ensakto nga protocols ang mga ginhatagan sang permits.

Sa pagpangusisa ni Montelibano sa record sang Provincial Environment Management Office, linibo ang nakapending nga aplikasyon sa quarry operations.

Nagapati ang board member nga madamo sang naga quarry sa probinsiya bangud sa nagadamo man nga pag construct sang mga estraktura ilabi na sa syudad sang Bacolod.

Apang suno sa iya,  importante  man nga maprotektahan ang river system. | Aksyon Marlon Genovea

MORE STORIES:

LIKE US ON FB

error: Ooops... You are not authorized to copy this content.