MENU

21 KA MGA ACCOMMODATION FACILITIES SA NEGROS OCCIDENTAL GIN BUKSAN NA SA MGA RESIDENTE

  • at 7:38 pm
Share on facebook
Share on pinterest
Share on twitter
Share on print

21 ka mga resorts kag accommodation facilitities sa Negros Occidental ang ginbuksan na sa mga lokal nga residente, samtang 10 naman ang nagapabilin nga sarado bangud sa Covid-19.

Sa datos nga ginpresentar sang Provincial Tourism Office, umpisa subong nga Oktubre 19, 2020 ginbuksan na ang 21 para sa leisure travel sang mga local residents apang subject sa gihapon sa protocols kag advance booking.

Ang pulo nga sa gihapon sarado ang nahamtang sa Kabankalan, La Carlota, Silay, Victorias, EB Magalona, Ilog, San Enrique, kag Toboso.

Sarado man ang mga resorts sa Hinobaan sa mga pangayaw nga bisita, kag pwede lamang makabaton sang mga local residents basta may Certificate of Authority to Operate (CAO) halin sa Department of Tourism.

Magabukas man ang mga resorts sa Sipalay nga may CAO, apang ini ang patigayunon pa sa bulan sang Nobyembre. | Aksyon Marlon Genovea

What’s your Reaction?
+1
0
+1
0
+1
0
+1
0
+1
0
+1
0
+1
0

APO NGA NAGPATAY SA IYA LOLO, NAPASAKAAN NA SANG KASO

April 26, 2024

Napasakaan na sang kaso nga murder ang gina-alegar may deperensya sa paminsaron nga apo nga naglabo-patay sa iya kaugalingon nga lolo sa Purok 1, Sitio Malusay, Barangay Caradio-an, Himamaylan City, Negros Occidental sang Abril 22.

Ginkilala ang biktima nga si Eugene Eleuterio samtang ang suspek ginkilala kay Denise Eleuterio, pareho nga residente sang nasambit nga lugar.

Base sa imbestigasyon sang Himamaylan PNP, ginpahayag ni Denise nga may nagasugo sa iya nga patyon si Eugenio.

Dugang pa nakit-an sang utod sang suspek nga ginalagas pa ni Denise si Eugenio kag makaligad ang pila ka minuto nakit-an nalang ang suspek nga dugo-on kag nagpahayag nga patay na ang biktima.

Suno sa utod, nakita niya nga ginalagas sang suspek ang biktima kag makaligad ang pila ka minutos, nagpalapit ini nga may uyat nga binangon kag duguon na kag naghambal nga patay na ang biktima.

Si Denise ang priso sa karon sa custodial facility sang Himamaylan City PNP.

What’s your Reaction?
+1
0
+1
0
+1
0
+1
0
+1
0
+1
0
+1
0

TRICYCLE DRIVER, PATAY SANG GINTIRO SA BARANGAY CABUG

April 25, 2024

Dead on arrival sa Corazon Locsin Montelibano Memorial Regional Hospital ang isa ka tricycle driver matapos ginluthang sa sulod sang Deca Homes Subdivision, Barangay Cabug, syudad sang Bacolod, alas 4:11 sang hapon, Hwebes, Abril 25.

Ang biktima ginkilala kay Teresito Gepelga, 56 anyos residente sang Block 67, Deca Homes, Brgy. Cabug.

Sa inisyal nga pagpangusisa ni Police Captain Michael Tuburan, hepe sang police station 9, nagaparking si Gepelga sa kilid sang dalan sang ginpalapitan sang wala makilala nga suspek kag ginluthang gamit ang wala mahibaluan nga kalibre sang armas.

Dugang pa ni Tuburan, ginhingagaw pa kon tani dala ang biktima sa ospital ang gindeklarar nga dead on arrival matapos nakaangkon sang malubha nga pilas sa ulo.

Sa karon nagapangita pa ang kapulisan sang dugang nga CCTV samtang indi pa ma-establisar ang motibo sa pagpatay kag pagkilala sa suspek.

What’s your Reaction?
+1
0
+1
0
+1
0
+1
1
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.