21 KA LSIs GIKAN ILOILO, NAG ABOT SA BACOLOD

Share on facebook
Share on google
Share on pinterest
Share on twitter
Share on print
(Bacolod DRRMO Photo)

Nag abot sa syudad sang Bacolod ang 21 ka mga tawo nga sakay sa RoRo gikan sa syudad sang Iloilo sang Lunes nga adlaw, Hunyo 1.

Suno kay Vice Mayor El Cid Familiaran, chair sang Bacolod IATF, ang mga nag abot ang mga Locally-Stranded Individual samtang ang iban ang kinahanglan na nga mag report sa trabaho sa syudad kag may yara sila sang dala nga health clearance.

Suno kay Familiaran, bilang kabahin sang health protocol nga gina patuman sang syudad, ang mga nag abot ang gindala sa isa ka quarantine facility para sa 14-dias nga mandatory quarantine kag ipaidalum man sa RT-PCR Test.

Sa karon gina hulat sang Bacolod ang sabat sang DOH kon bala pwede na maka gwa sa quarantine facility ang isa ka persona sa tion nga mag negatibo ini sa virus samtang wala pa natapos ang quarantine period kag sila ang ipaidalum sa home quarantine.

Gina paabot ni Familiaran nga maka pagwa si Mayor Evelio Leonardia sang Executive Order angut sa amendment sang health protocol may angut sa sea kag air travel. | Aksyon Dale Salazar

NEGROS OCCIDENTAL MAY 118 ACTIVE COVID-19 CASES

Liwat nga nagsaka ang kaso sang Covid-19 sa Negros Occidental.

Sa datos sang Provincial Incident Management Team (PIMT) tubtub Enero 17, 2021, nagsaka sa 118 ang active cases halin sa 109 nga record sadtong Enero 11, 2021.

Ang syudad sang San Carlos amo ang may pinakadamo nga active cases nga may 23 kag ginasundan sang Silay nga may 13.

May 24 naman ka mga banwa kag syudad ang may single-digit number na lamang nga active cases.

May lima man ka mga banwa nga wala na sang aktibo nga kaso nga ginalakipan sang Don Salvador Benedicto, Cauayan, Pontevedra, San Enrique, kag Valladolid.

Pinakanubo nga active cases ang narekord sang PIMT sadtong Enerto 6 kag 9, 2021, nga may 104.

Basi sa cumulative report sang PIMT halin Marso 27, 2020 tubtub Enero 17, 2021, ang Negros Occidental ang may total Covid-19 cases nga 6,574, recoveries – 6,250, kag 206 nga napatay. | Aksyon Marlon Genovea

MAAKOMODAR SA BOSS NAGSAKA SA 500 KADA ADLAW

Nagsaka na sa 500 ka mga tawo ang ma akomodar sang Bacolod Permits and Licensing Office (PLO) sa nagapadayon nga Business One Stop Shop sa Ayala Malls Capitol Central.

Suno kay Stela Rose Rayos, pamuno sang PLO, nagligad nga Enero 11 sang ila ginpasakaan ang numero sang mga kliyente nga nagaproseso sang business permit humalin sa 300 pakadto sa 500.

Dugang pa ni Rayos, sa karon, wala sang mga mayor nga reklamo nga nabaton ang ila talatapan sa nagapadayon nga aktibidad.

Nagpasiguro man si Rayos nga istrikto man nga ginamonitor ang attendance sang mga Barangay sa BOSS para sa pagisyu sang Barangay Clearance.

Tinalikdan nga Biernes, may pito ka mga Barangay nga wala sang tiglawas sa BOSS.

Nagapakita man sa datus sang PLO, nga mas madamo ang nagapa appointment walk-in sa Ayala Mall kag Bacolod Government Center ikomparar sa Online.

May yara na sang 10, 750 ang narehistro nga Negosyo sa Bacolod tubtob Enero 15.

Ang BOSS ang magalawig tubtob Marso 31, 2021. | Aksyon Dale Salazar

MORE STORIES:

LIKE US ON FB

error: Ooops... You are not authorized to copy this content.