21 na ka mga Barangay sa Bacolod nga nag pakigbahin sa Business One Stops Shop ukon BOSS sa Bacolod Government Center ang nag balik na sa ila Barangay Hall sa pag isyu sang Barangay Clearance.
Base sa record ni Executive Assistant Sammy Montoyo Sr, myembro sang ease of doing business core team sang syudad, nag padala sang sulat sa iya ang mga punong barangay nga pormal nga naga pahibalo sa iya nga maghalin na sa BOSS.
Ini amo ang anum ka Rural Barangays nga gina lakipan sang Barangay Banago, Granada, Montevista, Handumanan, Tangub kag Cabug.
Ang mga Urban Barangays amo ang Barangay 25, 38, 39, 34, 29, 27, 12, 4, 32, 33, 15, 6, 23, 36 kag 17.
Suno kay Montoyo, sa idalum sang ease of doing business law, gina-require lamang ang mga barangay nga mag pasakop sa BOSS humalin Enero 2 tubtob 20.
Ang BOSS sa BGC ang maga lawig tubtob Pebrero 29, 2020. | Aksyon Dale Salazar