2,074 KA PWERSA GIN DEPLOY PARA SA MASSKARA FESTIVAL

Share on facebook
Share on google
Share on pinterest
Share on twitter
Share on print
(Bacolod PIO Photo)

2,074 ka mga uniformed and non-uniformed personnel gikan sa nagkalain lain nga ahensya sang gobyerno ang gin-deploy subong nga adlaw, lunes para sa Masskara 2019.

Sa send-off ceremony, ginpresentar ni Police Col. Harold Tuzon, kay Bacolod City Mayor Evelio Leonardia kag PRO 6 Director Brigadier General Rene Pamuspusan ang mga personnel halin sa pwersa sang mga kapulisan sa PRO 6, HPG, Phil. Army, Phil. Coast Guard, Bureau of Fire Protection, BJMP, BTAO, CDRRMO, Force multipliers kag iban pa.

Dugang pa ni Tuzon, tuyo sang ila ahensya nga maangkon ang “zero crime incident” samtang ginahiwat ang selebrasyon sa syudad.

Nag apilar naman si Bacolod Mayor Evelio Leonardia sang kooperasyon kag suporta sang publiko sa pag saulog sang katapusan nga semana sang MassKara Festival 2019.

Nag pasalamat si Leonardia kay PNP Regional Director Brigadier General Rene Pamuspusan sa iya presensya sa send-off ceremony sang masobra 2 mil ka mga pwersa para mag bantay sa mga festival sites sa Bacolod.

Suno kay Leonardia, dapat masiguro ang seguridad sang mga bisita samtang naga sinadya bangud ini ang yabe para sa kadalag-an sang kahiwatan.

Suno pa sa Alkalde, mas mangin secured ang kahiwatan bangud nag dugang sa team si Lt. Col. Jovie Espenido, deputy chief for operations sang Bacolod City Police Office. Ang MassKara Festival ang maga takop sa Oktubre 27. | Aksyon Alvin Grava, Aksyon Dale Salazar

MORE STORIES:

LIKE US ON FB

error: Ooops... You are not authorized to copy this content.