200 KILOS NGA HOT MEAT NAKUMPISKAR SA BACOLOD

Share on facebook
Share on google
Share on pinterest
Share on twitter
Share on print
(Task Force Botagoy Head Photo)

Nakumpiskar sang Task Force Botagoy ang 200 kilos nga hot meat (double dead) matapos nga na intercept ang isa ka tricycle sa Bago-Sum-ag border takna las 5:45 kahapon nga adlaw, Mayo 3.

Gin kilala ang nadakpan kay Jun Rosaut, 29 anyos, residente sang Purok Kabukiran II, Brgy. Singcang-Airport, syudad sang Bacolod.

Suno kay Martin Pinaga, pamuno sang task force, ang hot meat ang gikan sa banwa sang Valldolid kag nabutang sa drum, gin byahe sakay sa tricycle ni Rosaut nga plano kuntane nga ipasulod sa Bacolod kag ibaligya sa libertad market.

Gin paathag ni Pinaga, makabig nga hot meat ang nakumpiskar nga baboy bangud wala ini sang Meat Inspection Certificate ukon wala gin ihaw sa slaughterhouse.

(Task Force Botagoy Head Photo)

Suno kay Pinaga, si Rosaut ang gin hatagan sang warning, wala napasakaan sang kaso samtang gin lubong sa slaughterhouse sa Brgy. Handumanan ang nakumpiskar nga hot meat.

Ini ang una nga tion nga may nakumpiskar nga hot meat ang task force umpisa nga gin patuman ang enhanced community quarantine sa Bacolod. | Aksyon Dale Salazar

MORE STORIES:

LIKE US ON FB

error: Ooops... You are not authorized to copy this content.